Ulttyq qoǵamdyq densaýlyq saqtaý tótenshe komissiiasy búgingi otyrysta Moldova Respýblikasynyń búkil aýmaǵynda qoǵamdyq densaýlyq saqtaý salasyndaǵy tótenshe jaǵdaidy 2020 jyldyń 31 shildesine deiin uzartý týraly sheshim qabyldady, dep habarlaidy MOLDPRES.
Komissiia basshysy premer-ministr Ion Kikýdyń aitýynsha, mundai sheshim pandemiia jaǵdaiyna bailanysty qabyldanǵan. Qazirgi ýaqytta búkil álemde jaǵdai órship otyr.
Qoǵamdyq densaýlyq saqtaý salasyndaǵy tótenshe jaǵdai uzartylyp qana qoimai, keibir shekteýler saqtalady: sheteldikterdiń Moldova Respýblikasyna kelýine, sharalar ótkizýge, mektepke deiingi mekemeler qyzmetine, demalys lagerlerine, túngi klýbtarǵa, diskotekalarǵa, parkterge, demalys aimaqtaryna jáne t.b.
Soǵan qaramastan, 16 shildeden bastap jattyǵý zaldarynda dýshqa túsýge ruqsat etiledi. Sondai-aq, ońaltý ortalyqtary, sonyń ishinde kýrorttyq-shipajai mekemeleriniń qyzmeti kezeń-kezeńimen qaita jandanady.
Sońǵy 24 saǵatta Moldova Respýblikasynda 1819 test jasalyp, 258 adamnan jańa koronavirýs anyqtaldy. Qazirgi ýaqytta elde 18 924 adam COVID-19 juqtyrǵan.
