بٷگٸن حيۋستوندا (تەحاس شتاتى, اقش) Fury Fighting ليگاسىنىڭ چەمپيونى تيتۋلى ٷشٸن قازاقستاندىق بوكسشى نيكولاي ۆەرەتەننيكوۆ (8-3) پەن امەريكالىق ەنتوني ايۆي (6-4) اراسىندا جەكپە-جەك ٶتتٸ, دەپ حابارلايدى Sports.kz.
جەكپە-جەك Fury FC 46 تۋرنيرٸنٸڭ كٶشٸن باستاپ, جارتىلاي ورتا سالماق دەرەجەسٸندە ٶتتٸ. ايقاس جوسپارلانعان ۋاقىتقا سوزىلعان جوق. سەبەبٸ, بٸرٸنشٸ راۋندتىڭ 2:00 ۋاقىتىندا ۆەرەتەننيكوۆ قارسىلاسىن نوكاۋتقا جٸبەردٸ. وسىلايشا, قازاقستاندىق سپورتشى مما-دا توعىزىنشى جەڭٸسٸنە جەتتٸ. ال ايۆي ٶز مانسابىندا بەسٸنشٸ رەت جىعىلدى.
ايتا كەتەيٸك, تۋرنيرگە UFC پرەزيدەنتٸ دانا ۋايت قاتىستى. ايۆي بۇعان دەيٸن ونىڭ پروموۋشەنٸندە ٶنەر كٶرسەتكەن.
ەسكە سالا كەتەيٸك, قازاقستاندىق ن.ۆەرەتەننيكوۆ بۇل شاراعا قاتارىنان جەتٸ جەڭٸسٸنەن كەيٸن كەلدٸ. سوڭعى جەكپە-جەگٸندە ول تٶرەشٸلەردٸڭ بٸراۋىزدى شەشٸمٸمەن ستيۆەن دجونستى (8-2) جەڭدٸ.
