تانىمال جاس اقىن ميراس اساننىڭ سوڭعى جىلدارى جازعان بٸر توپ ٶلەڭٸڭ نازارلارىڭىزعا ۇسىنامىز.
***
بەلگٸلەپ سٸز تۇراتىن كٶشەنٸ, كٷز,
كەزدەستٸ بٸزدٸڭ كيٸم-كەشەگٸمٸز...
ايتا الماس مەنٸڭ سەبەپ - مٷكٸستٸگٸم,
ەستٸمەس سٸزدٸڭ سەبەپ - كەسەلٸڭٸز...
شالباردىڭ قىرى سىنىپ سەكٸ الدىندا,
سٶمكەلەر يىقتاعى, باتار مۇڭعا...
قولعاپتار بٸرٸن-بٸرٸ قاتتى قىسىپ,
قىدىرار قولشاتىرلار قاتار قىردا...
باتىرعان سول ورامال بٸزدٸ ارمانعا,
بٸز سوندا نەگە اداستىق - جٷز بارعانعا?
تٷيمەلەر اعىتىلدى, ىستىقتان با?
جاعالار كٶتەرٸلەردٸ, ىزعاردان با?
جىلاعان شولپى ما ەكەن, سىرعا ما ەكەن?
ساعاتىم ونى نەگە تىڭدادى ەكەن?
كٷرتەشەم نەگە ٷيگە كەشتەۋ كەلدٸ?
پالتوڭىز نەگە جەڭٸن بۇلعادى ەكەن?
شلياپام نەگە تاعى باققا اپ كەلدٸ,
ەتٸگٸم نەگە ٶز ٸزٸن تاپتاپ, كٶمدٸ?
بٶكەباي ول ەتٸردٸ نەگە ۇمىتتى?
ول حاتتى قالتا نەگە ساقتاپ كەلدٸ?
27.حٸٸ.2016
***
الاتىن تٷگٸم جوق دەمەۋلٸك,
بەرەتٸن تٷگٸم جوق بايۋ ٷشٸن.
مەن سٸزدەن قول الام, شەنەۋنٸك,
مەن سٸزگە جول بەرەم, قايىرشىم.
كەلٸڭٸز, قول بەرەم, جاۋىر, تٷك,
بارىڭىز, مەن سٸزگە جول بەرەم.
تىم قاتتى قىسپاڭىز, اۋىرتىپ,
تىم ۇزاق ٶتپەڭٸز, كٶلدەنەڭ.
اقىنعا قۇدايداي سەنٸڭٸز,
جىرىنا قۇرانداي نانىڭىز.
سٸز مادام-قولداردى بەرٸڭٸز,
دۋەليانت-جولداردى الىڭىز.
مەن سٸزگە قول بەرەم, ٸشپەيمٸن,
جول بەرەم, سىيلىقتان باس تارتام.
سٸز قويعان شارتتاردى ٸستەيمٸن,
تٶبەلەس اشپايمىن تاس-تالقان.
قول بەرەم, قاسىما كەلٸڭٸز,
جول بەرەم, بۇل جەردەن كەتٸڭٸز.
سالەري-قولداردى بەرٸڭٸز,
دانتەسكە بەرگەن جول, ٶتٸڭٸز.
***
ميىمدا كٷلٸمدەپ جٷرەسٸڭ,
ٷيٸمدە تۇنجىراپ جاتاسىڭ.
شاي قۇيۋ كەرەگٸن بٸلەسٸڭ,
ۋ قۇيىپ قوياسىڭ شاتاسىپ...
بٸز جايلى وقىعان كٸتابىڭ,
كٷز جايلى توقىعان توقىماڭ...
سەن بەرگەن ۋدى ٷنسٸز جۇتامىن,
سەن بەرگەن شايدى ٸشٸپ وتىرام.
وي مەن ۋ سانادا شايقاسىپ,
بٸردەمە ايتپاق بوپ, توسىلام...
سەن جاڭبىر جاۋعانىن ايتاسىڭ,
مەن تاعدىر جازعانىن جاسىرام...
04.V.2017
***
كٷلكٸمدٸ دە توزدىردىم كيە-كيە,
مۇڭ دا توزدى, ٸش - قازان كٷيە-كٷيە.
توزدى ماڭداي تاۋ-تاسقا سوعىلۋمەن,
توزدى الاقان قوشەمەت, قول ۇرۋمەن.
ٷمٸت توزدى كٷتۋدەن, كەزٸگۋدەن,
كٷدٸك توزدى جاقىننان بەزٸنۋدەن.
تابان توزدى ارماندى قۋالاۋدان,
جانار توزدى ويانۋ, كٶز ٸلۋدەن...
توزدى ميىم - تەنٸمنٸڭ اقىلمانى,
توزدى كٷيٸم, ەسكٸرٸپ جاتىر بەرٸ...
جٷرەك توزدى سەزٸم - بال, اقىل - ۋدان,
بٸلەك توزدى باقىتتى شاقىرۋدان...
توزعان يىق, توزعان باس, تٸل ۇشىم كەم,
ايعايلايمىن جالعانعا قۇر ٸشٸمنەن...
تٶزٸپ كەلە جاتىرمىن كٸم ٷشٸن مەن?
توزىپ بارا جاتىرمىن كٸم ٷشٸن مەن?
كەرەعار
زاڭعار بار بيٸكتەن قورقاتىن,
مۇحيت بار تامشىدان ورتا تىم.
كەزەڭ بار قىزعالداق باسپايتىن,
ٶزەن بار شٶلدەرگە باستايتىن.
ەشكٸم كەپ قاقپايتىن قاقپا بار,
ەشكٸم بور جاقپايتىن تاقتا بار.
ارامدىق جاقتايتىن شىندىق بار,
ادالدىق تاپتايتىن ماقتا بار.
سۇلۋدى كٶرمەيتٸن كٶزدەر بار,
سۇلۋدى تەرگەيتٸن سٶزدەر بار.
جاقىندى جەك كٶرٸپ ٶلەردەي,
بٶتەنگە "كەل" دەيتٸن كەزدەر بار.
سەزٸمگە سەنبەيتٸن كەزدەر بار,
سەزٸمگە "سەن" دەيتٸن كەزدەر بار.
قايتارماي قالاتىن جاۋاپ بار,
قايتا الماي قالاتىن كەزدەر - بال...
ٷنسٸزدٸك شۋلايتىن زامان بار,
بال-شىرىن - ۋلايتىن تاعام بار.
تەمٸردٸ يەتٸن گٷلدەر بار,
شٶگٸردٸ سٷيەتٸن تابان بار...
ٶزەندەر شٶلدەيدٸ قاتالاپ,
جانارلار كٷلەدٸ بوتالاپ...
ٸشٸمە سىيمايدى سوندا ٶلەڭ
ماڭدايعا سىيمايدى ماحاببات...
11.ٸٸٸ.2016
***
تٶزٸمٸڭ جەتسە ول كٷيدٸ جازبا, شىدا,
ماحاببات – ىنتىقتىق-اۋ ازعا, سٸرە...
كٶپٸردەن سەكٸرمەدٸك نەگە سوندا?
ٶكٸرگەن ٶزەندەرگە – كٶز جاسىنا.
سٷيمەگەن شاقتا سٷرسەڭ ٶمٸر وڭاي,
ٶمٸردەن بٶلٸپ الام سەنٸ قالاي?
قۇبىلا جاقتى ۇمىتتىم, قۇداي كەشەر,
شۇعىلا شاشقان كەزدە مەڭٸڭ اراي!
سٶز ارتىق شىن عاشىققا, ەن-سىڭارعا,
كٶز ارتىق, شىنداپ شىققان تامشى باردا!
سٶز كەرەك, كەرەك مٷمكٸن نان سۇرارعا,
جو-جو-جوق, تىم دٶرەكٸ – حال سۇرارعا...
ٷندەمە, ٷنسٸز عاشىق سٶزٸنە اۋىس,
سٶزسٸز سٷي, كٶزسٸز ۇنات, ٶزٸڭ الىس.
سٶز ارتىق تىنىشتىق تا – تىڭشى سىندى,
بٸز ٷنسٸز تۇرعان شاقتىڭ ٶزٸ – داۋىس.
قىز زاتى كٶرمەپ ەدٸ بۇلاي ۇناپ,
سٶز ارتىق شىن سەزٸمگە قۇدايى ھاق.
ٶلەڭٸم سٶزسٸز جازعان ساعان سۇمدىق,
ەنٸم دە سٶزسٸز ايتقان شىنايىراق.
***
بٸر سەزٸم بولادى بايقالماي جەتەتٸن,
بٸر سەزٸم بولادى ايتا الماي ٶتەتٸن...
قۇرلىقتار سيياقتى سٸلكٸنٸپ كٶرمەگەن,
مۇحيتتار سيياقتى شايقالماي كەتەتٸن...
بٸر سەزٸم بولادى رەنجٸمە, كەك سوڭى,
بٸر سەزٸم بولادى, باقىتتى ەتشٸ ونى...
قوڭىراۋ سيياقتى بەلگٸسٸز نٶمٸردەن,
ساڭىراۋ سيياقتى ەستيتٸن تەك سونى...
بٸر سەزٸم بولادى ۇناتىپ كٶرمەيتٸن,
بٸر سەزٸم بولادى جۇباتىپ كەلمەيتٸن...
ٶلٸمگە ۇقسايدى كٷلدٸرٸپ الاتىن,
ٶمٸرگە ۇقسايدى جىلاتىپ جەرلەيتٸن...
بٸر سەزٸم بولادى تاۋسىلىپ بٸتەتٸن,
بٸر سەزٸم بولادى جٷيكەڭدٸ تٷتەتٸن.
بٸر ساتى سيياقتى پەتەردەن شىقپايتىن,
بٸر سەكٸ سيياقتى اۋلادا كٷتەتٸن...
09.ٸٸٸ.2017
***
قارالاي بەرمەشٸ قاراداي جيٸ اقتى,
قاشىعىم – جۇپ-جۋىق!
بٸز نەگە جٷرەمٸز بالمۇزداق سيياقتى,
تەپ-تەتتٸ,
سۇپ-سۋىق?
كٷن جايلى ۇمىتىپ, ايتامىز شىقسا ايدى,
شەشەندٸ مٷكٸس قىپ.
بٸزدٸڭ كٷي نە ٷشٸن كوفەگە ۇقسايدى,
اپ-اششى,
ىپ-ىستىق?
مەن جاۋاپ بەرمەسەم سەن قويعان تالاپقا,
كٸنەمدٸ تٸزٸمدە.
بٸز نەگە ۇقسايمىز مەن ٸشكەن شاراپقا,
سەن جەگەن جٷزٸمگە?
كەرەعار 2
كٶكتەمدە قۇسپەن كەلدٸڭ,
شاتىردان جاس بوپ تامدىم.
شاراپتى ٸشكەن مەنمٸن,
سەن نەگە ماس بوپ قالدىڭ?
كٶكتەمدە گٷلمەن كەلدٸڭ,
ٷزٸلٸپ تٷسكەن ەنمٸن.
كٷرشەكتٸ ٸلگەن مەنمٸن,
سەن نەگە ٸشتە قالدىڭ?
كٶكتەمدە قۇسپەن كەلدٸڭ,
قىراتتا گٷل بوپ ٶندٸم.
كٶلٸكتەن تٷسكەن مەنمٸن,
سەن نەگە بٸرگە كەلدٸڭ?
كٶكتەمدە حاتپەن كەلدٸڭ,
قاناتى, بۇل اق قۇستىڭ.
تاپانشا. "ات!" مەن بەردٸم,
سەن نەگە قۇلاپ تٷستٸڭ?
2016
ميراس اسان 1987 جىلى قاراعاندى وبلىسى, قارقارالى اۋدانى, باقتى اۋىلىندا دٷنيەگە كەلگەن. حالىقارالىق «شابىت» شىعارماشىل جاستار فەستيۆالٸنٸڭ لاۋرەاتى. «بەكزات», «سوڭعى راۋشان» كٸتاپتارىنىڭ اۆتورى.
