فوتو: اقوردانىڭ باسپاسٶز قىزمەتٸ
پرەزيدەنت قاسىم-جومارت توقاەۆ اباي وبلىسىندا شۇعىل ەرەكەت ەتۋ شتابىنىڭ وتىرىسىن ٶتكٸزدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
تٶتەنشە جاعدايلار جٶنٸندەگٸ جەدەل شتابتىڭ وتىرىسى تابيعات اپاتى كەزٸندە قازا تاپقان ازاماتتاردى بٸر مينۋت ٷنسٸزدٸكپەن ەسكە الۋدان باستالدى.
«ەلٸمٸزدە تاعى دا الاپات ٶرت بولىپ جاتىر. ٶكٸنٸشكە قاراي, تٸلسٸز جاۋمەن كٷرەس كەزٸندە ازاماتتارىمىز قايتىس بولدى. 14 ادام قىزمەتتٸك مٸندەتٸن اتقارىپ جٷرٸپ ەرلٸكپەن قازا تاپتى. مەن جاڭا عانا بۇل ادامداردىڭ تۋىسقاندارىمەن كەزدەستٸم. ٶتە اۋىر ەڭگٸمە بولدى. جۇرت جىلاپ وتىر. ٷكٸمەتكە نارازىلىعىن ايتىپ جاتىر. مارقۇمداردىڭ وتباسىلارىنا جەنە جاقىندارىنا قايعىرا كٶڭٸل ايتامىن.
قايتىس بولعان ازاماتتاردى بٸر مينۋتتىق ٷنسٸزدٸكپەن ەسكە الايىق» - دەدٸ مەملەكەت باسشىسى.
توقاەۆ مۇنداي اپاتتار نە سەبەپتٸ ورىن الىپ وتىرعانىن ايتتى.
«الدا اۋقىمدى جۇمىس بار. جالپى, بۇل سالادا تٷيتكٸلدەر, شەشٸلمەي جاتقان مەسەلەلەر از ەمەس. قازٸرگٸ تاڭدا نەگٸزگٸ مٸندەت – جۇمىستى ساپالى جٷرگٸزۋ. بۇل – ەڭ الدىمەن, وسىنداي اپاتتارعا جول بەرمەۋ قاجەت, سونىمەن قاتار تٶتەنشە جاعداي بولعان كەزدە تيٸستٸ شارالار جوعارى دەڭگەيدە ۇيىمداستىرىلۋى كەرەك دەگەن سٶز.
بٸزدٸڭ جاعدايىمىزدا كەسٸبي سالعىرتتىق, ادامداردىڭ تاعدىرىنا مٷلدە نەمقۇرايلى قاراۋ بايقالدى. قازٸر بۇعان تاعى دا كٶز جەتكٸزدٸم. قازٸرگٸ تاڭدا ساپالى, دۇرىس جۇمىس اتقارىلىپ جاتقان جوق. مۇنى مويىنداۋىمىز كەرەك. بٸر سٶزبەن ايتقاندا, بۇل سالانىڭ جۇمىسىن تٷبەگەيلٸ جاقسارتۋ قاجەت. مينيسترلٸك, ونىڭ باسشىلارى ٶز قىزمەتتٸك مٸندەتتەرٸنە سەلقوس قارايدى. نە ٸستەۋ كەرەك ەكەنٸن بٸلمەيدٸ. شۇعىل شەشٸمدەر قابىلدامايدى. سوندىقتان وسىنداي اپاتتار ورىن الىپ وتىر» - دەدٸ پرەزيدەنت.
سونداي-اق ول كەشەگٸ كادرلىق اۋىس-تٷيٸس جايىندا دا سٶز قوزعادى.
«ٶزدەرٸڭٸز بٸلەسٸزدەر, مەن كەشە تٶتەنشە جاعدايلار مينيسترٸن اۋىستىرۋ تۋرالى شەشٸم قابىلدادىم. جاڭا مينيستردٸ تاعايىندادىم. گەنەرال-مايور سىرىم دٷيسەنعازىۇلى شەرٸپحانوۆ جۇمىسقا كٸرٸستٸ. تٶتەنشە جاعداي سالاسىندا تەجٸريبەسٸ, تيٸستٸ بٸلٸمٸ بار», - دەدٸ توقاەۆ.
