© AP Photo / Rodrigo Abd
قازاقستاندا قىزمەتتٸك مٸندەتٸن اتقارۋ كەزٸندە قازا تاپقان ورمانشىلاردىڭ وتباسىنا اقشالاي تٶلەمدەر بەرٸلەدٸ, - دەپ حابارلايدى Tengrinews.kz سايتى.
ەكولوگييا مينيسترلٸگٸنٸڭ ورمان شارۋاشىلىعى جەنە جانۋارلار دٷنيەسٸ كوميتەتٸ قىزمەتتٸك مٸندەتتەرٸن اتقارۋ كەزٸندە العان مەرتٸگۋ (جاراقات, كونتۋزييا) سالدارىنان قازا تاپقان مەملەكەتتٸك ورمان كٷزەتٸ قىزمەتكەرٸنٸڭ وتباسى مٷشەلەرٸنە اقشالاي تٶلەمدٸ جاساۋ قاعيدالارى مەن مٶلشەرٸن بەكٸتۋ تۋرالى قاۋلىنىڭ جوباسىن ۇسىندى. قۇجات 2023 جىلعى 11 ماۋسىمدا اباي وبلىسىنداعى تابيعي ٶرتتٸ جويۋ جٶنٸندەگٸ جەدەل شتاب وتىرىسىندا پرەزيدەنتتٸڭ تاپسىرماسى نەگٸزٸندە ەزٸرلەنگەنٸ ايتىلدى.
ەرەجەگە سەيكەس, مەملەكەتتٸك ورمان كٷزەتٸ قىزمەتكەرٸنٸڭ وتباسى مٷشەلەرٸ, اتاپ ايتقاندا ولاردىڭ جۇبايى, بالالارى, ونىڭ ٸشٸندە اسىراپ العان بالالارى, ٶگەي بالالارى, بٸرگە تۇراتىن ٶگەي ۇلدارى مەن كەمەلەتكە تولعانعا دەيٸنگٸ ٶگەي قىزدارى تٶلەماقى الا الادى.
تٶلەمدەردٸ الۋ ٷشٸن بٸرقاتار قۇجات پەن ٶتٸنٸش بەرۋ قاجەت: قىزمەتكەردٸڭ قايتىس بولعانى تۋرالى كۋەلٸك, نەكەنٸ نەمەسە تۋۋدى تٸركەۋ تۋرالى كۋەلٸك جەنە باسقالار. قۇجاتتار تولىق ۇسىنىلماعان جاعدايدا ٶتٸنٸش بەرٸلگەن كٷننەن باستاپ ون جۇمىس كٷنٸ ٸشٸندە قايتارىلۋعا تيٸس. كەلٸپ تٷسكەن قۇجاتتاردى تەكسەرگەننەن كەيٸن ۋەكٸلەتتٸ ورگان جەكە ٸستٸ قالىپتاستىرادى, وندا قازا تاپقان ادامنىڭ اقشالاي قاراجاتىنىڭ مٶلشەرٸ تۋرالى قارجى بٶلٸمشەسٸنٸڭ انىقتاماسى, قىزمەتكەردٸڭ, كۋرسانتتىڭ, ەسكەري قىزمەتشٸنٸڭ قازا بولۋىنىڭ (قايتىس بولۋىنىڭ) سەبەپتەرٸ مەن مەن-جايلارىن قىزمەتتٸك تەكسەرۋ ماتەريالدارى بولۋعا تيٸس.
اقشالاي تٶلەمدەردٸ تاعايىنداۋ قىزمەتكەردٸڭ, كۋرسانتتىڭ, ەسكەري قىزمەتشٸنٸڭ ٶلٸمٸنٸڭ سەبەبٸ مەن ونىڭ قىزمەتتٸك مٸندەتتەرٸن اتقارۋ كەزٸندە العان جاراقاتى اراسىندا تٸكەلەي سەبەپ-سالدارلىق بايلانىس بولعان كەزدە جٷرگٸزٸلەدٸ.
"مەملەكەتتٸك ورمان كٷزەتٸنٸڭ قازا تاپقان (قايتىس بولعان) قىزمەتكەرٸنٸڭ ەربٸر وتباسى مٷشەسٸنە اقشالاي تٶلەم قازا تاپقان قىزمەتكەردٸڭ سوڭعى اتقارعان لاۋازىمى بويىنشا اقشالاي قاراجاتتىڭ 40 پايىزى مٶلشەرٸندە جٷزەگە اسىرىلادى. بۇل رەتتە وتباسىنىڭ بارلىق مٷشەلەرٸنە تٶلەنەتٸن اقشالاي تٶلەمدەردٸڭ ەڭ جوعارى مٶلشەرٸ اقشالاي قاراجاتتىڭ جٷز پايىزىنان اسپاۋعا تيٸس. ٷش جەنە ودان دا كٶپ وتباسى مٷشەلەرٸ بولعان جاعدايدا, ەرقايسىنا اقشالاي تٶلەمدەردٸڭ مٶلشەرٸ اقشالاي قاراجاتتىڭ 100 پايىزىنىڭ تەڭ ٷلەسٸ رەتٸندە ەسەپتەلەدٸ", - دەلٸنگەن قۇجات جوباسىندا.
ەسكە سالساق, 8 ماۋسىمدا اباي اۋدانىندا ٶرت شىعىپ, ول 0,3 گەكتاردان 60 مىڭ گەكتارعا دەيٸن تارادى. ٶرت كەزٸندە "سەمەي ورمانى" رەسپۋبليكالىق مەملەكەتتٸك كەسٸپورنىنىڭ جاڭا شٷلبٸ فيليالىنىڭ 14 قىزمەتكەرٸ قازا تاۋىپ, كەيٸنٸرەك ورمان شارۋاشىلىعىنىڭ تاعى بٸر قىزمەتكەرٸنٸڭ دەنەسٸ تابىلدى.
