فوتو: مارييا كاريموۆا/«گازەتا.Ru»
سىرتقى ٸستەر مينيسترلٸگٸ يزرايلدە جٷرگەن قازاقستان ازاماتتارىنىڭ سانىن جارييالادى, حابارلايدى "ۇلت اقپارات".
مينيسترلٸكتٸڭ رەسمي ٶكٸلٸ ايبەك سماديياروۆتىڭ ايتۋىنشا, قازٸرگٸ كەزدە يزرايلدە 77 ادام كونسۋلدىق تٸركەۋدە تۇر. ولاردىڭ ٸشٸندە ەلشٸلٸك قىزمەتكەرلەرٸ مەن وتباسى مٷشەلەرٸ دە بار.
"7 قازاندا يزرايلدەگٸ ەسكەري-ساياسي جاعدايدىڭ شيەلەنٸسۋٸنە بايلانىستى قازاقستان رەسپۋبليكاسىنىڭ سىرتقى ٸستەر مينيسترلٸگٸندە جەدەل شتاب قۇرىلىپ, شەتەلدەگٸ تٶتەنشە جاعدايلار كەزٸندەگٸ ٸس-قيمىل الگوريتمٸن دەرەۋ ورىنداۋعا كٸرٸستٸ.
سىرتقى ٸستەر مينيسترلٸگٸندە جەنە قازاقستاننىڭ تەل-اۆيۆتەگٸ ەلشٸلٸگٸندە يزرايل اۋماعىنداعى قر ازاماتتارى مەن ولاردىڭ ەلٸمٸزدەگٸ تۋىستارى ٷشٸن شۇعىل بايلانىس جەدەل جەلٸسٸ اشىلدى.
وسى ەكٸ كٷن ٸشٸندە وتانداستارىمىزدان 500-دەن استام قوڭىراۋ مەن سۇراۋلار كەلٸپ تٷسٸپ, ولارعا جاۋاپ بەرٸلدٸ. بٷگٸنگٸ تاڭدا يزرايلدەگٸ ەلشٸلٸكتٸڭ كونسۋلدىق ەسەبٸنە 77 ازامات تٸركەلگەن (ەلشٸلٸك قىزمەتكەرلەرٸ مەن ولاردىڭ وتباسى مٷشەلەرٸن قوسا العاندا - ەسك.). يزرايلدٸڭ جوعارى وقۋ ورىندارىندا 5 قازاقستاندىق ستۋدەنت وقيدى, سونداي-اق 30-عا جۋىق قازاقستاندىق جەرگٸلٸكتٸ مەديتسينالىق مەكەمەلەردە تاعىلىمدامادان ٶتٸپ جٷر. بارلىعى - 112 ادام" - دەدٸ سماديياروۆ.
ونىڭ ايتۋىنشا, تەل-اۆيۆتەگٸ ديپلوماتتارىمىز يزرايلدەگٸ قازاقستان ازاماتتارىمەن تۇراقتى بايلانىستا بولىپ, ٶزارا جەدەل ٸس-قيمىل جاساۋ ماقساتىندا مەسسەندجەردە ارنايى چات قۇرعان. قازٸرگٸ ۋاقىتتا وعان يزرايلدە ۋاقىتشا جەنە تۇراقتى تۇراتىن 200-گە جۋىق قر ازاماتى قوسىلعان.
"بۇل چاتتا بٸزدٸڭ وتانداستارىمىز ٶزدەرٸنٸڭ ورنالاسقان جەرٸ تۋرالى حابارلاپ, ديپلوماتتارمەن تٸكەلەي بايلانىس ورناتتى. ال ديپلوماتتار ٶز كەزەگٸندە ازاماتتارىمىزعا ەرتٷرلٸ مەسەلەلەر بويىنشا كەڭەس بەرٸپ, تيٸستٸ كونسۋلدىق-قۇقىقتىق كٶمەك كٶرسەتٸپ جاتىر.
يزرايلدەگٸ بارلىق ازاماتىمىز سابىرلىق ساقتاپ, ديپلوماتتارعا قاجەتتٸ اقپاراتتى ۇسىنۋعا بارىنشا جەردەمدەسٸپ جاتىر جەنە جەرگٸلٸكتٸ بيلٸك ورگاندارىنىڭ بارلىق تالابى مەن قاۋٸپسٸزدٸك شارالارىن قاتاڭ ساقتاپ كەلەدٸ.
بٷگٸنگٸ تاڭدا بٸزگە يزرايلدە قازا بولعان, زارداپ شەككەن جەنە كەپٸلگە الىنعان قازاقستاندىقتار تۋرالى اقپارات كەلٸپ تٷسكەن جوق" - دەدٸ رەسمي ٶكٸل.
قازاقستاننىڭ تەل-اۆيۆتەگٸ ەلشٸلٸگٸنٸڭ بولجامى بويىنشا, يزرايلدە كونسۋلدىق ەسەپكە تۇرماعان 400-دەن استام قازاقستان ازاماتى بولۋى مٷمكٸن.
