تۋريزم جەنە سپورت مينيسترلٸگٸنٸڭ باستاماسىمەن قازاقستاندا سپورتتىق بەس تٸگۋلەر بويىنشا بارلىق تٶلەمدەر توقتاتىلدى. بۇل شەشٸم بيزنەس قاۋىمداستىقتىڭ زاڭدى نارازىلىعىن تۋعىزدى.
بۋكمەكەرلەر قاۋىمداستىعى وسى مەسەلەگە بايلانىستى قازاقستان رەسپۋبليكاسىنىڭ تۋريزم جەنە سپورت مينيسترلٸگٸنە, پرەزيدەنت ەكٸمشٸلٸگٸنە, پرەمەر-مينيسترگە, ۇلتتىق قاۋٸپسٸزدٸك كوميتەتٸنە جەنە قر ەدٸلەت مينيسترلٸگٸنە اشىق حات جولدادى. اشىق حات Exclusive.kz سايتىندا جارييالاندى.
«بٸز قازاقستان سپورتىن قولدايمىز, سالىق تٶلەيمٸز جەنە گۋمانيتارلىق كٶمەك كٶرسەتەمٸز. بٸز ٶركەنيەتتٸ ەرٸ اشىق رەتتەۋ جٷيەسٸنٸڭ سٶزسٸز جاقتاستارىمىز. سوندىقتان دا سالا بٸرنەشە رەت رەتتەۋ جەنە مونيتورينگ قۇرالدارىن ەنگٸزدٸ. ال تۋريزم جەنە سپورت مينيسترلٸگٸ سوڭعى ەكٸ جىلدا, كەرٸسٸنشە, قازاقستاننىڭ رەتتەۋ جٷيەسٸنە رەسەيدٸڭ جەكە قۇرىلىمدارى مەن تسۋپيس قۇرالدارىن ەنگٸزۋگە بار كٷشٸن جۇمسادى. بۇل رەتتە رەسەيدٸڭ ٶزٸندە مۇنداي جٷيەنٸ قولدانۋ سپورت سالاسىندا داعدارىسقا ەكەلگەن. رەسەيلٸك سپورتشىلار حالىقارالىق وليمپيادالىق قوزعالىستان شەتتەتٸلدٸ, بۋكمەكەرلەر تاراپىنان سپورت فەدەراتسييالارىن قارجىلاندىرۋ كٷرت قىسقاردى, سونداي-اق مەملەكەت تاراپىنان سپورتقا بٶلٸنەتٸن شىعىندار ازايدى», — دەپ جازىلعان حاتتا.
قاۋىمداستىقتىڭ ايتۋىنشا, 2024 جىلدىڭ جازىندا زاڭناماعا ەنگٸزٸلگەن ٶزگەرٸستەر كٷشٸنە ەنگەننەن كەيٸن تۋريزم جەنە سپورت مينيسترلٸگٸ ولاردىڭ ورىندالۋىن قامتاماسىز ەتۋ ٷشٸن قاجەتتٸ شارالاردى قابىلداماعان. وسىعان قاراماستان, قازاقستان رەسپۋبليكاسىنىڭ مەملەكەتتٸك ورگاندارى رەتتەۋ قۇرالدارىن ۇلتتىق بانك, قارجى مونيتورينگٸ اگەنتتٸگٸ, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ, سونداي-اق ۇلتتىق اقپاراتتىق تەحنولوگييالار ينفراقۇرىلىمى نەگٸزٸندە ەنگٸزۋدٸ ۇسىنعان. الايدا تۋريزم جەنە سپورت مينيسترلٸگٸ قازاقستاندىق مەملەكەتتٸك ورگاندار ۇسىنعان قۇرالداردى پايدالانۋدان باس تارتتى.
«ۇسىنىلعان بارلىق شەشٸمدەر تولىق كٶلەمدە 2024 جىلدىڭ ٶزٸندە ٸسكە قوسىلۋى مٷمكٸن ەدٸ. تۋريزم جەنە سپورت مينيسترلٸگٸنٸڭ ٶز ٶتٸنٸشٸ بويىنشا قازاقستاندىق فينتەح-كومپانييالار 2023 جىلى-اق تەحنولوگييالىق شەشٸمدەرٸن ۇسىنعان بولاتىن. ولار 2024 جىلى ٸسكە قوسىلىپ, كەيٸن مەملەكەتتٸك ورگاننىڭ بالانسىنا بەرٸلمەك ەدٸ. بۇل ۇسىنىس 2023 جىلى قارجى مونيتورينگٸ اگەنتتٸگٸنٸڭ, ۇلتتىق بانكتٸڭ جەنە تۋريزم جەنە سپورت مينيسترلٸگٸنٸڭ الاڭدارىندا دەپۋتاتتاردىڭ قاتىسۋىمەن قارالدى. 2024 جىلى تالقىلاۋ «اتامەكەن» ۇلتتىق كەسٸپكەرلەر پالاتاسىنىڭ الاڭىندا ۆەدومستۆوارالىق جۇمىس توبى شەڭبەرٸندە جالعاستى. وعان تۋريزم جەنە سپورت مينيسترلٸگٸ, تسيفرلىق دامۋ مينيسترلٸگٸ, ەدٸلەت مينيسترلٸگٸ جەنە بٸرنەشە سالانىڭ ٶكٸلدەرٸ قاتىستى. تالقىلاۋ كەلٸسۋدٸڭ سوڭعى كەزەڭٸنە جەتٸپ, ۇسىنىس ەدٸلەت مينيسترلٸگٸ مەن تسيفرلىق دامۋ مينيسترلٸگٸ تاراپىنان ماقۇلدانعان كەزدە تۋريزم جەنە سپورت مينيسترلٸگٸنٸڭ ٶكٸلدەرٸ ەشقانداي تٷسٸنٸكتەمە بەرمەستەن جۇمىس توبىنان شىعىپ كەتتٸ», — دەپ كەلتٸرٸلەدٸ حاتتا.
نەتيجەسٸندە سالادا زاڭ كٷشٸنە ەنگەنٸمەن, ونى ٸسكە اسىراتىن ناقتى قۇرالدار بولماعان جاعداي قالىپتاستى. بٸر قىزىعى, تۋريزم جەنە سپورت مينيسترلٸگٸ مەملەكەتتٸك ورگاندار مەن بيزنەس ۇسىنعان شەشٸمدەردٸ ەنگٸزۋدەن باس تارتتى.
وسىعان بايلانىستى قاۋىمداستىق سوتقا جٷگٸندٸ. سوت بۇل ٸستٸ قاراپ, قاۋىمداستىقتىڭ تالابىن قاناعاتتاندىرعان بولاتىن.
الايدا تۋريزم جەنە سپورت مينيسترلٸگٸ سوت شەشٸمٸن دە, مەملەكەتتٸك ورگانداردىڭ ۇستانىمىن دا ەلەمەي, جۇمىس ٸستەمەيتٸن رەسەيلٸك تسۋپيس جٷيەسٸن ەنگٸزۋگە تابانداپ وتىرعاندىقتان, وتاندىق بۋكمەكەرلٸك نارىقتا تٶلەم كوللاپسى ورىن الدى.
