Týrizm jáne sport ministrliginiń bastamasymen Qazaqstanda sporttyq bás tigýler boiynsha barlyq tólemder toqtatyldy. Bul sheshim biznes qaýymdastyqtyń zańdy narazylyǵyn týǵyzdy.
Býkmekerler qaýymdastyǵy osy máselege bailanysty Qazaqstan Respýblikasynyń Týrizm jáne sport ministrligine, Prezident Ákimshiligine, Premer-Ministrge, Ulttyq qaýipsizdik komitetine jáne QR Ádilet ministrligine ashyq hat joldady. Ashyq hat Exclusive.kz saitynda jariialandy.
«Biz Qazaqstan sportyn qoldaimyz, salyq tóleimiz jáne gýmanitarlyq kómek kórsetemiz. Biz órkenietti ári ashyq retteý júiesiniń sózsiz jaqtastarymyz. Sondyqtan da sala birneshe ret retteý jáne monitoring quraldaryn engizdi. Al Týrizm jáne sport ministrligi sońǵy eki jylda, kerisinshe, Qazaqstannyń retteý júiesine Reseidiń jeke qurylymdary men TsÝPIS quraldaryn engizýge bar kúshin jumsady. Bul rette Reseidiń ózinde mundai júieni qoldaný sport salasynda daǵdarysqa ákelgen. Reseilik sportshylar halyqaralyq olimpiadalyq qozǵalystan shettetildi, býkmekerler tarapynan sport federatsiialaryn qarjylandyrý kúrt qysqardy, sondai-aq memleket tarapynan sportqa bólinetin shyǵyndar azaidy», — dep jazylǵan hatta.
Qaýymdastyqtyń aitýynsha, 2024 jyldyń jazynda zańnamaǵa engizilgen ózgerister kúshine engennen keiin Týrizm jáne sport ministrligi olardyń oryndalýyn qamtamasyz etý úshin qajetti sharalardy qabyldamaǵan. Osyǵan qaramastan, Qazaqstan Respýblikasynyń memlekettik organdary retteý quraldaryn Ulttyq bank, Qarjy monitoringi agenttigi, Tsifrlyq damý, innovatsiialar jáne aeroǵarysh ónerkásibi ministrligi, sondai-aq Ulttyq aqparattyq tehnologiialar infraqurylymy negizinde engizýdi usynǵan. Alaida Týrizm jáne sport ministrligi qazaqstandyq memlekettik organdar usynǵan quraldardy paidalanýdan bas tartty.
«Usynylǵan barlyq sheshimder tolyq kólemde 2024 jyldyń ózinde iske qosylýy múmkin edi. Týrizm jáne sport ministrliginiń óz ótinishi boiynsha qazaqstandyq finteh-kompaniialar 2023 jyly-aq tehnologiialyq sheshimderin usynǵan bolatyn. Olar 2024 jyly iske qosylyp, keiin memlekettik organnyń balansyna berilmek edi. Bul usynys 2023 jyly Qarjy monitoringi agenttiginiń, Ulttyq banktiń jáne Týrizm jáne sport ministrliginiń alańdarynda depýtattardyń qatysýymen qaraldy. 2024 jyly talqylaý «Atameken» Ulttyq kásipkerler palatasynyń alańynda vedomstvoaralyq jumys toby sheńberinde jalǵasty. Oǵan Týrizm jáne sport ministrligi, Tsifrlyq damý ministrligi, Ádilet ministrligi jáne birneshe salanyń ókilderi qatysty. Talqylaý kelisýdiń sońǵy kezeńine jetip, usynys Ádilet ministrligi men Tsifrlyq damý ministrligi tarapynan maquldanǵan kezde Týrizm jáne sport ministrliginiń ókilderi eshqandai túsinikteme bermesten jumys tobynan shyǵyp ketti», — dep keltiriledi hatta.
Nátijesinde salada zań kúshine engenimen, ony iske asyratyn naqty quraldar bolmaǵan jaǵdai qalyptasty. Bir qyzyǵy, Týrizm jáne sport ministrligi memlekettik organdar men biznes usynǵan sheshimderdi engizýden bas tartty.
Osyǵan bailanysty qaýymdastyq sotqa júgindi. Sot bul isti qarap, qaýymdastyqtyń talabyn qanaǵattandyrǵan bolatyn.
Alaida Týrizm jáne sport ministrligi sot sheshimin de, memlekettik organdardyń ustanymyn da elemei, jumys istemeitin reseilik TsÝPIS júiesin engizýge tabandap otyrǵandyqtan, otandyq býkmekerlik naryqta tólem kollapsy oryn aldy.
