يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ قازاقستاندا جەڭٸلدەتٸلگەن اۆتونەسيە سەۋٸردٸڭ اياعىنا دەيٸن جۇمىس ٸستەيتٸنٸن ايتتى, - دەپ حابارلايدى Tengrinews.kz.
"ٶزٸمٸزدٸڭ اۆتوٶندٸرٸسكە نازار اۋدارامىز, سوندىقتان قازٸر باعانى تۇراقتى ۇستاۋ ٷشٸن بارلىق شارانى قولدانىپ جاتىرمىز. جەڭٸلدەتٸلگەن اۆتونەسيە دەپ اۆتوكٶلٸكتەر 10 ميلليون تەڭگەگە دەيٸن قارجىلاندىرىلادى دەگەندٸ ايتىپ وتىرمىز. بٸراق كٶلٸكتٸ ودان دا قىمباتقا ساتىپ الۋعا قۇقىعىڭىز بار, بٸراق ايىرماشىلىقتى ٶز قاراجاتىڭىزدان تٶلەيسٸز. سەۋٸردٸڭ اياعىنا قاراي شەشٸم قابىلدايمىز دەپ ويلايمىن, 4 پايىزدىق جەڭٸلدٸكپەن نەسيە بەرۋ بولادى", - دەدٸ مينيستر ٷكٸمەت وتىرىسىنان كەيٸن.
سونداي-اق, ول ازاماتتاردىڭ كٶلٸك باعاسىنىڭ كٷرت ٶسۋٸنە قاتىستى الاڭداۋشىلىعى تۋرالى پٸكٸر بٸلدٸردٸ.
"ەزٸرگە قازاقستاندىق كٶلٸكتەر باعاسىن كٶتەرۋدٸ جوسپارلاپ وتىرعان جوقپىز. بٸراق باعا كٷن سايىن كٶتەرٸلٸپ جاتىر, سوندىقتان ەرتەڭ باعا قانداي بولاتىنىن ايتۋ قيىن. بٸراق كٶپ تاۋار بويىنشا تٸپتٸ تٶمەندەۋ ٷردٸسٸ بايقالادى", - دەدٸ ٶسكەنباەۆ.
