بٷگٸن مەجٸلٸستەگٸ ٷكٸمەت ساعاتىندا قر اۋىل شارۋاشىلىعى مينيسترٸ ەربول قاراشٶكەەۆ ۆەتەرينارييا سالاسىنداعى كەمشٸلٸكتەردٸ جويۋ قادامدارىن ايتتى, دەپ حابارلايدى قازاقپارات.
«اۋىلدىق وكرۋگتەردٸڭ ۆەتەرينارييا ماماندارىندا مال يەلەرٸنە ەكٸمشٸلٸك ەسەر ەتۋ بويىنشا ٶكٸلەتتٸكتەردٸڭ بولماۋى ولاردى ۆەتەرينارييالىق نورمالاردى بۇزعانى جەنە وشاقتا ۆەتەرينارييالىق ٸس-شارالاردى ورىنداماعانى ٷشٸن جاۋاپكەرشٸلٸككە تارتۋدىڭ مٷمكٸن ەمەستٸگٸنە ەكەلدٸ. وسى ماقساتتا ولار اۋدان ورتالىعىنداعى ۆەتەرينارييالىق ينسپەكتورلارعا جٷگٸنۋگە مەجبٷر, بۇل ۆەتەرينارييالىق قاۋٸپسٸزدٸكتٸ قامتاماسىز ەتۋ جٶنٸندەگٸ ۆەتەرينارييالىق زاڭناما تالاپتارىن ورىنداۋ پروتسەسٸن كەشٸكتٸرەدٸ», - دەدٸ قاراشٶكەەۆ.
ونىڭ ايتۋىنشا, جەرگٸلٸكتٸ اتقارۋشى ورگانداردا ۆەتەرينارييا ماماندارىنىڭ ولارعا تەن ەمەس فۋنكتسييالاردى جٷزەگە اسىرۋى (قاڭعىباس يتتەردٸ اۋلاۋ جەنە اۋىل شارۋاشىلىعى جانۋارلارىن قولدان ۇرىقتاندىرۋ) جوسپارلى ٸس-شارالاردى ۋاقتىلى جٷرگٸزۋ مەن تيٸمدٸلٸگٸنٸڭ تٶمەندەۋٸنە الىپ كەلدٸ.
«مال شارۋاشىلىعى ٶنٸمدەرٸنە ۆەتەرينارييالىق-سانيتارييالىق ساراپتامانى ليتسەنزييالاۋ كەزٸندە مٷددەلەر قاقتىعىسىنىڭ بولۋى جەنە پەرمەندٸ باقىلاۋدىڭ بولماۋى ساپاسىز ٶنٸمدەردٸ ساتۋعا جول بەرۋگە, سونداي-اق ۆەتەرينارييالىق انىقتامالاردى بۇرمالاۋ فاكتٸلەرٸنە ەكەلدٸ», - دەدٸ مينيستر.
كٶرسەتٸلگەن پروبلەمالاردى جويۋ ٷشٸن جەرگٸلٸكتٸ اتقارۋشى ورگانداردان اۋىل شارۋاشىلىعى مينيسترلٸگٸ ۆەتەرينارييالىق باقىلاۋ جەنە قاداعالاۋ كوميتەتٸنە كەلەسٸ فۋنكتسييالاردى بەرۋ ۇسىنىلادى:
- ەپيزووتييالىق وشاقتاردى زەرتتەپ-قاراۋدى جٷرگٸزۋ;
- ەپيزووتولوگييالىق زەرتتەپ-قاراۋ اكتٸسٸن بەرۋ;
- اۋماقتى ايماقتارعا بٶلۋ تۋرالى شەشٸم شىعارۋ;
- كارانتيندٸ جەنە شەكتەۋ ٸس-شارالارىن بەلگٸلەۋ نەمەسە الىپ تاستاۋ تۋرالى شەشٸم قابىلداۋ;
- جانۋارلاردان الىناتىن ٶنٸم مەن شيكٸزاتقا ۆەتەرينارييالىق-سانيتارييالىق ساراپتامانى ليتسەنزييالاۋ;
- جەكە جەنە زاڭدى تۇلعالاردان ۆەتەرينارييا سالاسىنداعى كەسٸپكەرلٸك قىزمەتتٸ جٷزەگە اسىرۋدىڭ باستالعانى نەمەسە توقتاتىلعانى تۋرالى حابارلامالار قابىلداۋ.
جەرگٸلٸكتٸ اتقارۋشى ورگانداردىڭ ۆەتەرينارييا ماماندارىنىڭ تەن ەمەس مىنا فۋنكتسييالارىن الىپ تاستاۋ ەسكەرٸلگەن:
- اۋىل شارۋاشىلىعى جانۋارلارىن قولدان ۇرىقتاندىرۋ بويىنشا قىزمەتتەر كٶرسەتۋ;
- قاڭعىباس يتتەر مەن مىسىقتاردى اۋلاۋ جەنە جانسىزداندىرۋ.
«جوعارىدا اتالعان فۋنكتسييالاردى بەرۋ اۋماقتىڭ ەپيزووتييالىق سالاۋاتتىلىعىن قامتاماسىز ەتۋگە جەنە ۆەتەرينارييالىق ٸس-شارالاردى جٷرگٸزۋدٸڭ جەدەلدٸگٸنە, سونداي-اق فۋنكتسييالاردىڭ اراجٸگٸن ناقتى اجىراتۋعا وڭ ەسەر ەتەدٸ. جەرگٸلٸكتٸ اتقارۋشى ورگانداردىڭ ۆەتەرينارييا ۇيىمدارىنىڭ ۆەتەرينارييالىق دەرٸگەرلەرٸنە نۇسقامالار بەرۋ جەنە ەكٸمشٸلٸك شارالار قولدانۋ بويىنشا قوسىمشا ٶكٸلەتتٸكتەر بەرۋ جانۋارلار يەلەرٸنە ىقپال ەتۋ تەتٸكتەرٸنٸڭ بولۋىنا مٷمكٸندٸك بەرەدٸ.
