قر بٸلٸم جەنە عىلىم مينيسترٸ اسحات ايماعامبەتوۆ مەكتەپ بٸتٸرۋشٸلەردٸ ۇلتتىق بٸرىڭعاي تەستٸلەۋدەن قورىقپاۋعا شاقىردى, دەپ حابارلايدى "ۇلت اقپارات".
«جاقىندا باسىم كٶپشٸلٸگٸڭٸز ۇبت تاپسىراسىزدار. ودان قورقۋدىڭ ەشقانداي قاجەتٸ جوق دەپ سٸزدەرگە ايتقىم كەلەدٸ. بۇل - تەك قانا جاي سىناق. ونىڭ ٷستٸنە بۇل ٶمٸرلەرٸڭٸزدەگٸ ەڭ جەڭٸل ەمتيحاننىڭ بٸرٸ بولادى», - دەدٸ اسحات ايماعامبەتوۆ Facebook پاراقشاسىندا جارييالانعان قۇتتىقتاۋىندا .
مينيستر «اينالاداعى ادامدار قولىڭنان ەشتەڭە كەلمەيدٸ» دەسە دە تاباندىلىق پەن سابىرلىق, كٷندەلٸكتٸ قاجىرلى ەڭبەك پەن العا قويعان ماقساتتارىڭىز بەلگٸلٸ بٸر نەتيجە ەكەلەتٸندٸگٸن ەستەن شىعارماۋ كەرەكتٸگٸن اتاپ ٶتتٸ.
«نەتيجە ەرينە, ٶز بەتٸمەن كەلمەيدٸ. ول قاتەلٸكپەن قاتار جٷرەدٸ. كٸشكەنتاي كەزٸمٸزدەن بٸزدٸ «قاتەلٸك جاساۋ دۇرىس ەمەس, كەشٸرٸمسٸز» دەپ سەندٸرگەن. مەكتەپ قابىرعاسىنان باستاپ قاتەلٸك جاساماۋ بٸزدٸڭ سانامىزعا قۇيىپ كەلدٸ. تابىستى ادام ەشقاشان قاتەلەسپەيدٸ دەگەن قاتە ۇعىم ەكەنٸن ايتقىم كەلەدٸ. الايدا, بەرٸ قاتەلٸك جاسايدى. باستىسى - ودان ساباق الىپ, تەجٸريبە جيناقتاۋ. قاتەلٸك جاساپ, بەرٸن قايتا باستاۋدان قورىقپاۋ قاجەت», - دەدٸ مينيستر.
وسى رەتتە ول بيىلعى جاس تٷلەكتەر قازاقستاننىڭ عانا ەمەس ەلەم تاريحىنداعى ەرەكشە تٷلەكتەر ەكەندٸگٸن باسا ايتتى.
«سٸزدەر جاقسى تەجٸريبە جيناقتاپ, وي تٷيٸپ, ەلەمدٸ جاقسارتۋعا ٷلەس قوساسىزدار دەپ سەنەمٸن. ەلگە پايداسى تيەتٸن جاڭالىق اشىپ, تولاعاي تابىسقا جەتەتسٸزدەر دەپ ٷمٸتتەنەمٸن. سٸزدەر تاماشا كەزەڭدە ٶمٸر سٷرٸپ جاتىرسىزدار. قازٸرگٸ كەزەڭ ارماندايتىن, باتىل شەشٸمدەر قابىلدايتىن ۋاقىت. بەلگٸسٸزدٸكتەر مەن ٶزگەرٸستەردٸڭ ۋاقىتىندا سٸزدەردٸڭ باستى قۇندىلىقتارىڭىز ادالدىق, ەدٸلدٸك, ماحاببات, قاراپايىمدىلىق پەن باتىلدىق بولۋى كەرەك. سەتتٸلٸك سەرٸك بولسىن! ارماندارىڭىزعا قول جەتكٸزٸپ, ٶمٸر قۇندىلىقتارىن ەستەن شىعارماڭىزدار!», - دەدٸ اسحات ايماعامبەتوۆ.
