قر بٸلٸم جەنە عىلىم مينيسترٸ اسحات ايماعامبەتوۆ ۇبت-نى ەلەكتروندى فورماتتا ۇيىمداستىرۋعا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«بۇل جايىندا ەكٸ جىل بويى ايتىپ جٷرمٸز. بۇل قادامعا اتا-انالار دا, تٷلەكتەر دە دايىن بولدى. جالپى, ۇلتتىق بٸرىڭعاي تەستٸلەۋدٸڭ فورماتى ٶزگەرمەدٸ. تەك ونى ٶتكٸزۋ پروتسەدۋراسى عانا ٶزگەرٸپ وتىر. بۇعان دەيٸن تەستٸلەۋ قاعاز نۇسقادا تاپسىرىلىپ كەلدٸ, ياعني جاۋاپتاردى بوياپ وتىرۋعا ۋاقىت كەتەتٸن. ەندٸ بيىلدان باستاپ ەلەكتروندى ۇبت-عا كٶشەمٸز. بۇل تۇرعىدا وڭتايلى باسىمدىقتار بارشىلىق», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, بۇل باعىتتاعى قادامدار پاندەمييا كەزٸندە ٶزٸنٸڭ وڭ نەتيجەسٸن بەرەدٸ.
«بيىل ۇلتتىق بٸرىڭعاي تەستٸلەۋ ٷش اي بويى ٶتەدٸ. ٷش ايدا شاعىن توپتارمەن تٷلەكتەر ٶزدەرٸ ٷشٸن ىڭعايلى ۋاقىت پەن ورىندا تەست تاپسىرادى. سونىمەن قاتار, ۇبت-نى ەكٸ مەرتە تاپسىرۋ مٷمكٸندٸگٸ بەرٸلٸپ وتىر», - دەدٸ اسحات ايماعامبەتوۆ.
