تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين تەلەفون الاياقتارىنا قالاي جاۋاپ بەرەتٸنٸن ايتتى, - دەپ حابارلايدى Tengrinews.kz.
ٷكٸمەت كۋلۋارىندا جۋرناليستەر مينيستردەن الاياقتارمەن كٷرەسۋدٸڭ ەدٸستەرٸ تۋرالى سۇرادى.
"تسيفرلىق دامۋ مينيسترلٸگٸ تەلەكوم-وپەرەتورلارمەن بٸرلەسٸپ, جالعان نٶمٸرلەردٸڭ بۇعاتتالۋى ٷشٸن جۇمىس جٷرگٸزٸپ جاتىر. الاياقتىقتىڭ مەنٸ قوڭىراۋ شەتەلدەن كەلۋٸندە, بٸزدٸڭ وپەراتورلار ونى ەدەتتەگٸ قوڭىراۋ رەتٸندە كٶرەدٸ, تەلەفون نٶمٸرٸمٸز روۋمينگتە, سول جەردەن قوڭىراۋ كەلەدٸ. بۇل - الاياقتىقتىڭ جاڭا تٷرٸ.
بٸراق روۋمينگتەن كەلەتٸن قوڭىراۋلاردى بۇعاتتاۋ تۇرعىسىنان بايلانىس وپەراتورلارىمەن تيٸستٸ جۇمىس جٷرگٸزەمٸز, مەموراندۋمعا قول قويىلدى. بەلگٸلٸ بٸر تەحنولوگييالاردى تەستٸلەۋ ەكٸ وپەراتوردا جٷرگٸزٸلدٸ, جارنامالاماۋ ٷشٸن اتاۋىن اتامايمىن, ولاردىڭ دايىندىعى جوعارى, ٷشٸنشٸ وپەراتورمەن ساتىپ الۋ پروتسەدۋراسى جٷرٸپ جاتىر, تٶمەنگٸ دەڭگەيگە ەسەر ەتە المايمىز, بۇلار - جەكە وپەراتورلار", - دەدٸ مۋسين.
الاياقتار مينيسترگە دە قوڭىراۋ شالعان ەكەن.
"يە, ولار قوڭىراۋ شالدى, قاراپايىم جاۋابىم بار. وسىنداي قوڭىراۋ كەلسە, قازاق تٸلٸندە جاۋاپ بەرەمٸن, ولار تۇتقانى قويا سالادى", - دەپ تٷيٸندەدٸ ول.
