دەنساۋلىق ساقتاۋ مينيسترٸ الەكسەي تسوي ەلٸمٸزدٸڭ كوروناۆيرۋسقا قارسى جاپپاي ۆاكتسينالاۋ ناۋقانىنا دايىندىعى تۋرالى ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا سەۋٸر ايىنداعى جاپپاي ەرٸكتٸ تٷردە ۆاكتسينالاۋعا قازاقستاننىڭ دايىندىعى تۋرالى سۇرالدى. اتاپ ايتقاندا, حالىقتىڭ 60 پايىزى سەۋٸردە ەكپە سالدىرعىسى كەلسە, ولاردىڭ بارلىعىن ۆاكتسينامەن قامتاماسىز ەتۋ مٷمكٸندٸگٸ تۋرالى سۇراق قويىلدى.
«بٸز وسى ناۋقانعا دايىندالىپ جاتىرمىز. وسى مەرزٸمدە قازاقستاندىق ۆاكتسينا پايدا بولۋى مٷمكٸن. ۆاكتسينالاۋ جەلٸسٸ بٸزدە قۇرىلعان. جالپى, دەرٸگەرلەر بۇل ناۋقانعا دايىندالدى. بارلىعى ەكپەنٸڭ كەلٸپ تٷسۋٸ كٶلەمٸنە بايلانىستى بولاتىنى انىق», - دەدٸ مينيستر.
تسوي بارشا ەلەمدە ۆاكتسينانىڭ تاپشىلىعى سەزٸلٸپ جاتقانىن اتاپ ٶتتٸ.
«نارىققا ۆاكتسينانىڭ كەلۋٸ دەڭگەيٸنە قاراي بٸز بارشا قازاقستان بويىنشا ۆاكتسينالاۋدى قامتاماسىز ەتەمٸز. اتاپ ايتقاندا, توڭازىتقىش جابدىقتار تەكسەرٸستەن ٶتتٸ. ەسكە سالا كەتەيٸن, تۇماۋعا قارسى ۆاكتسينالاۋدا بٸر اي ٸشٸندە 2 ملن-نان استام ادامعا ەكپە سالىندى. سوندىقتان بٸز ٷشٸن وسىنداي كٶلەم قالىپتى تٷردە ٸسكە اسىرىلادى. ەڭ باستىسى, ەكپەنٸڭ تيٸمدٸلٸگٸن كٶرٸپ, ۆاكتسينالاۋ ورىندارىنا كەلٸپ, ەرٸكتٸ تٷردە كوروناۆيرۋستان ۇجىمدىق قورعانىستى قولداعانى ماڭىزدى», - دەدٸ ۆەدومستۆو باسشىسى.
وسى ورايدا ول كەزەڭ-كەزەڭمەن ەل حالقى ەكپە سالدىرۋدان ٶتەتٸنٸن ناقتىلادى.
بۇدان بۇرىن حابارلانعانداي, قر دەنساۋلىق ساقتاۋ ۆيتسە-مينيسترٸ اجار عينييات قازاقستاندا قاشاننان باستاپ ماسكاسىز جٷرۋگە بولاتىنىن ايتتى.
«حالىقتىڭ ورتاسىندا ۇجىمدىق يممۋنيتەت قالىپتاسپاي, حالىقتىڭ 60 پايىزدان استامى ۆاكتسينالاۋدان ٶتپەي, ماسكانى شەشۋگە بولمايدى. ۇجىمدىق يممۋنيتەت قالىپتاسقاننان كەيٸن عانا ماسكاسىز جٷرۋگە بولادى», - دەدٸ ۆيتسە-مينيستر.
