© AFP 2022 / ABDUAZIZ MADYAROV
تٶتەنشە جاعدايلار مينيسترٸ يۋريي يلين قۇتقارۋشىلارعا ٷستەمەاقى قالاي تٶلەنەتٸنٸن ايتتى, دەپ حابارلايدى Sputnik قازاقستان اگەنتتٸگٸ.
قازٸرگٸ كەزدە پرەزيدەنتتٸڭ اتىنا قۇتقارۋشىلاردىڭ جالاقىسىن كٶتەرۋ تۋرالى حات جٸبەرٸلدٸ. سونىڭ ٸشٸندە تٶتەنشە جاعدايدىڭ دەڭگەيٸنە قاراي ٷستەماقى تٶلەۋ شارالارى دا بار.
"كەلەسٸ جىلدان باستاپ بٸزدٸڭ قىزمەتكەرلەرٸمٸزدٸڭ جالاقىسىن كٶتەرۋ جوسپارلانىپ وتىر. ال تٶتەنشە جاعدايدى جويۋ كەزٸندە جۇمىستىڭ اۋىرلىعىنا قاراي قوسىمشا ٷستەمەاقى تٶلەنەدٸ", - دەدٸ يلين سەناتتا ٶتكەن بريفينگتە.
مينيستردٸڭ ايتۋىنشا, قازاقستاندىق قۇتقارۋشىلار شەتەلدە تٶتەنشە جاعدايدى جويۋعا جٸبەرٸلسە دە, ٷستەمەاقى تٶلەنە بەرەدٸ. ال ونىڭ كٶلەمٸ جالاقىنىڭ 20 پايىزىن قۇرايدى.
"كەلەسٸ جىلدان باستاپ جالاقىنى كٶتەرسەك, وندا اسا اۋىر جۇمىستار ٷشٸن ٷستەمەاقىنىڭ مٶلشەرٸ, شامامەن, كٷنٸنە 30 مىڭ تەڭگە بولادى", - دەپ اتاپ كٶرسەتتٸ يلين.
