اقپارات جەنە قوعامدىق دامۋ مينيسترٸ ايدا بالاەۆا بٸرقاتار باق ٶكٸلدەرٸنە «اقپارات سالاسىنىڭ ٷزدٸگٸ» تٶسبەلگٸسٸن تابىستادى, دەپ حابارلايدى قازاقپارات.
باق قىزمەتكەرلەرٸ كٷنٸنە وراي ٶتكەن سالتاناتتى جيىندا اتالعان تٶسبەلگٸ «قازاقستان» ۇلتتىق ارناسى ەفير ساياساتى انونس بٶلٸمٸنٸڭ جەتەكشٸسٸ ماقپال ٷكەنوۆاعا, «حابار 24» تەلەارناسى جاڭالىقتار بٶلٸمٸنٸڭ تٸلشٸسٸ قانات بازىلحانوۆقا, «ايقىن» گازەتٸنٸڭ فوتوتٸلشٸسٸ ايتجان مۇرزانوۆقا «كازاحستانسكايا پراۆدا» گازەتٸ سپورت بٶلٸمٸنٸڭ رەداكتورى اسقار بەيسەنباەۆقا, سونداي-اق قازمەديا وتالىعى باس ديرەكتورىنىڭ ورىنباسارى رايحان ەبدەشەۆاعا تابىستالدى.
ايتا كەتەيٸك, «اقپارات سالاسىنىڭ ٷزدٸگٸ» تٶسبەلگٸسٸمەن ەلٸمٸزدٸڭ ٶڭٸرلەرٸندەگٸ سالا ماماندارى ماراپاتتالادى. وسى ورايدا وتاندىق جۋرناليستيكانىڭ دامۋىنا ٷلەس قوسقان جەنە ەڭبەك ٶتٸلٸ 30 جىلدان اسقان شىن كەسٸبي ماماندار قامتىلعان. مەرەكە قارساڭىندا بۇقارالىق اقپارات قۇرالدارى سالاسىنىڭ 55 قىزمەتكەرٸ ەرەكشە تٶسبەلگٸ يەسٸ اتاندى.
بۇدان بۇرىن حابارلانعانداي, اقپارات جەنە قوعامدىق دامۋ مينيسترٸ ايدا بالاەۆا باق قىزمەتكەرلەرٸن كەسٸبي مەرەكەسٸمەن قۇتتىقتادى.
سونىمەن قاتار, بٷگٸنگٸ سالتاناتتى جيىندا تانىمال جۋرناليست بەيسەن قۇرانبەك اتىنداعى «جٸگەر» سىيلىعىنىڭ جەڭٸمپازدارى ماراپاتتالدى.
