Aqparat jáne qoǵamdyq damý ministri Aida Balaeva birqatar BAQ ókilderine «Aqparat salasynyń úzdigi» tósbelgisin tabystady, dep habarlaidy QazAqparat.
BAQ qyzmetkerleri kúnine orai ótken saltanatty jiynda atalǵan tósbelgi «Qazaqstan» ulttyq arnasy efir saiasaty anons bóliminiń jetekshisi Maqpal Úkenovaǵa, «Habar 24» telearnasy jańalyqtar bóliminiń tilshisi Qanat Bazylhanovqa, «Aiqyn» gazetiniń fototilshisi Aitjan Murzanovqa «Kazahstanskaia pravda» gazeti sport bóliminiń redaktory Asqar Beisenbaevqa, sondai-aq Qazmedia otalyǵy bas direktorynyń orynbasary Raihan Ábdeshevaǵa tabystaldy.
Aita keteiik, «Aqparat salasynyń úzdigi» tósbelgisimen elimizdiń óńirlerindegi sala mamandary marapattalady. Osy oraida otandyq jýrnalistikanyń damýyna úles qosqan jáne eńbek ótili 30 jyldan asqan shyn kásibi mamandar qamtylǵan. Mereke qarsańynda buqaralyq aqparat quraldary salasynyń 55 qyzmetkeri erekshe tósbelgi iesi atandy.
Budan buryn habarlanǵandai, Aqparat jáne qoǵamdyq damý ministri Aida Balaeva BAQ qyzmetkerlerin kásibi merekesimen quttyqtady.
Sonymen qatar, búgingi saltanatty jiynda tanymal jýrnalist Beisen Quranbek atyndaǵy «Jiger» syilyǵynyń jeńimpazdary marapattaldy.
