ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ اەك الىپ وتىرعان وتباسىنىڭ ەڭبەككە جارامدى مٷشەسٸنە ىڭعايلى ەرٸ ماماندىعىنا ساي جۇمىس ۇسىنىلاتىنىن مەلٸمدەدٸ, دەپ حابارلايدى قازاقپارات.
«اەك بويىنشا نەگٸزگٸ ٶزگەرٸستەردٸڭ بٸرٸنشٸسٸ – كٶپبالالى جانۇيالارعا بٶلەك جەردەماقى تاعايىندالدى. مۇنىڭ سەبەبٸ – اەك الىپ جٷرگەن وتباسىلاردىڭ باسىم بٶلٸگٸندە بالالار – كٶپبالالى جانۇيالاردان. سوندىقتان, ولارعا اەك-تٸڭ بٸر بٶلٸگٸن بٶلەك جەردەماقى رەتٸندە شىعارۋدى جٶن كٶردٸك. بۇل, تابىسىنا قاراماستان تٶلەنەتٸن جەردەماقى. ول بالانىڭ سانىنا قاراي سارالانىپ, مٶلشەرٸ بەكٸتٸلەدٸ. ول اي سايىن رەسپۋبليكالىق بيۋدجەتتەن تٶلەنەدٸ. وسى جىلعا بۇل باعىتتا 177 ملرد تەڭگە قاراستىرىلدى», - دەدٸ بٷگٸن مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
بٸرجان نۇرىمبەتوۆ 367 مىڭ جانۇياعا وسى جەردەماقى تاعايىندالعانىن مەلٸم ەتتٸ.
«اتاۋلى ەلەۋمەتتٸك كٶمەك ەندٸ وسى جىلدان باستاپ توقسان سايىن تاعايىندالىپ, تٶلەنەتٸن بولادى. وسىعان قاراي جاڭا جىلدان باستاپ وتباسىلاردان ٶتٸشٸن قابىلداۋ ٷستٸندەمٸز. بٸز جەلتوقسان ايىندا قاراشا ايىنا تيٸستٸ اەك-تٸ جەنە جەلتوقسانعا تيٸستٸ تٶلەمدٸ اۋداردىق. ەندٸ ازاماتتار قاڭتار ايىندا قۇجاتتارىن ٶتكٸزٸپ, اقپان ايىندا الا باستايدى. بۇل جەردە تاعى بٸر ٶزگەرٸس: ەگەر اەك الاتىن جانۇيادا ەڭبەككە جارامدى ادامدار بولسا, ولاردى جۇمىسقا تارتامىز. ەگەر ول ۇسىنىلعان جۇمىستان باس تارتاتىن بولسا, ٶكٸنٸشكە قاراي بٷكٸل جانۇياعا بەرٸلەتٸن اەك توقتاتىلادى. بۇل جەردە ەسكەرە كەتەتٸن جايت: ماماندار كەز كەلگەن جۇمىستى ۇسىنبايدى. بٸزدە جۇمىسپەن قامتۋدىڭ تەرتٸبٸ بەكٸتٸلگەن. ول كٸسٸگە لايىقتى جۇمىس ۇسىنىلادى. ونىڭ ماماندىعى, قاتىناۋ جاعىنان تيٸمدٸ جاعى ەسكەرٸلەدٸ», - دەدٸ ول.
