مٸندەتتٸ ەلەۋمەتتٸك مەديتسينالىق ساقتاندىرۋ قورى 2 ايدان كەيٸن باستالاتىن ساقتاندىرۋ رەفورماسىنا دايىندىق تۋرالى ايتىپ بەردٸ, دەپ حابارلايدى قازاقپارات.
ايتا كەتەيٸك, مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸنٸڭ ەنگٸزٸلۋٸنە 2 ايعا جۋىق ۋاقىت قالدى. دەنساۋلىق ساقتاۋ سالاسىن جاقسارتىپ, قىزمەت ساپاسىن كٶتەرۋگە باعىتتالعان رەفورما 2020 جىلى باستاۋ الادى. قوردىڭ حابارلاۋىنشا, بٷگٸندە قازاقستاندىقتاردىڭ 93% مەديتسينالىق ساقتاندىرۋ جٷيەسٸمەن قامتاماسىز ەتٸلگەن.
«مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندەگٸ ەڭ ٸرٸ توپ – جەڭٸلدٸگٸ بار 15 ساناتقا جاتاتىن ازاماتتار. بۇل تٸزٸمگە بالالار, زەينەتكەرلەر, سونىڭ ٸشٸندە ۇلى وتان سوعىسى ارداگەرلەرٸ, كٶپبالالى انالار, جۇمىس ٸستەمەيتٸن جٷكتٸ ەيەلدەر, دەكرەتتٸك دەمالىستاعى انالار, مٷگەدەكتەر مەن مٷگەدەك بالا كٷتٸمٸمەن اينالىساتىندار, جۇمىسسىز رەتٸندە رەسمي تٸركەۋگە تۇرعان ازاماتتار, ينتەرنات تەربيەلەنۋشٸلەرٸ, ستۋدەنتتەر, تەرگەۋ وقشاۋلاعىشىندا وتىرعاندار مەن قىلمىستىق-تٷزەۋ مەكەمەسٸندە جازاسىن ٶتەپ جاتقاندار, جۇمىس ٸستەمەيتٸن ورالماندار كٸرەدٸ. بٷگٸندە ولاردىڭ جالپى سانى 10,8 ميلليوندى قۇراپ وتىر», - دەلٸنگەن مەمس قورىنىڭ حابارلاماسىندا.
ال جۇمىس بەرۋشٸلەر ساقتاندىرۋ جٷيەسٸنە 2017 جىلدىڭ 1 شٸلدەسٸندە قوسىلدى. قازٸر ولار قاراماعىنداعى جۇمىسكەرلەر ٷشٸن جالاقىنىڭ 1,5% كٶلەمٸندە اقشا اۋدارادى. بولاشاقتا جارنا كٶلەمٸن ارتتىرۋ جوسپارلانعان: 2020 جىلى جۇمىس بەرۋشٸ – جالاقىنىڭ 2%, 2022 جىلى – 3% مٶلشەرٸندە اۋدارىم جاسايدى.
2017 جىلدىڭ ەكٸنشٸ جارتىسىندا ٶزٸ ٷشٸن جارنا اۋدارعان جەكە كەسٸپكەرلەر ەكٸ جىلدىق ٷزٸلٸستەن كەيٸن جٷيەگە قايتا قوسىلادى. ولار كەلەر جىلدان باستاپ ەڭ تٶمەنگٸ جالاقىنىڭ 5% قورعا اۋدارادى. ياعني, اي سايىنعى تٶلەم - 2 975 تەڭگە.
سونىمەن بٸرگە, قازاقستاندا ٶزٸن-ٶزٸ جۇمىسپەن قامتىعان 1 ميليونعا جۋىق ازامات تۇرادى. رەسمي تٸركەلمەگەن, جەكە جەنە زاڭدى تۇلعالارعا قىزمەت كٶرسەتەتٸن بۇل توپتاعى ازاماتتار ساقتاندىرۋ جٷيەسٸنە ەكٸ تٷرلٸ تەسٸلمەن قاتىسا الادى. بٸرٸنشٸسٸ - ەڭ تٶمەنگٸ جالاقىنىڭ (ەتج) 5% نەمەسە 2 125 تەڭگە. ەكٸنشٸسٸ - سالىق ورگاندارىنا بارىپ, بٸرىڭعاي جيىنتىق تٶلەم (بجت) تٶلەۋشٸ رەتٸندە تٸركەلۋ. قالا تۇرعىدارى 1 ايلىق ەسەپتٸك كٶرسەتكٸش (اەك) نەمەسە 2 651 تەڭگە, اۋىل تۇرعىندارى – 0,5 اەك نەمەسە 1 326 تەڭگە تٶلەيدٸ.
دەنساۋلىق ساقتاۋ مينيسترلٸگٸنٸڭ حابارلاۋىنشا, 2020 جىلى ساقتاندىرىلعان تۇرعىندارعا مەديتسينالىق كٶمەك كٶرسەتۋگە 83,1 مىڭ تەڭگە جۇمسالماق. نەتيجەسٸندە ازاماتتاردىڭ دەنساۋلىققا جۇمسايتىن جەكە شىعىندارى ايتارلىقتاي قىسقارادى.
«ەلەۋمەتتٸك مەديتسينالىق ساقتاندىرۋ قورى» كەاق الماتى فيليالىنىڭ ديرەكتورى تٸلەۋحان ەبٸلداەۆتىڭ ايتۋىنشا, مەمس مەديتسينالىق كٶمەكتٸڭ قولجەتٸمدٸلٸگٸن ارتتىرۋعا مٷمكٸندٸك بەرەدٸ. اتاپ ايتقاندا, كونسۋلتاتيۆتٸك-دياگنوستيكالىق كٶمەككە بٶلٸنەتٸن قاراجات - 5 ەسە, ناۋقاستى وڭالتۋعا كەتەتٸن شىعىن - 9 ەسە ارتادى.
«قازاقستاندا تۇراتىن ەر ازامات مەمس جٷيەسٸنە قاتىسۋدى ويلاستىرا باستاۋى تيٸس. سەبەبٸ, اي سايىن از عانا جارنا تٶلەپ, قاجەت بولعاندا مەديتسينالىق قىزمەتتٸڭ قىمبات, كٶپشٸلٸكتٸڭ قالتاسى كٶتەرە بەرمەيتٸن تٷرلەرٸن پايدالانا الادى. ونىڭ قۇنى تٶلەۋشٸنٸڭ 1 جىل بويى اۋدارعان سوماسىنان بٸرنەشە ەسە اسىپ تٷسۋٸ مٷمكٸن. مىسالى, قازٸردٸڭ ٶزٸندە بٸر رەت كومپيۋتەرلٸك توموگرافييا جاساتۋعا 15 مىڭ تەڭگە تٶلەۋ قاجەت», - دەيدٸ تٸلەۋحان ەبٸلداەۆ.
مٸندەتتٸ ەلەۋمەتتٸك مەديتسينالىق ساقتاندىرۋ پاكەتٸندە تۇرعىندارعا كونسۋلتاتيۆتٸ-دياگنوستيكالىق كٶمەك, امبۋلاتورييالىق دەرٸلٸك قامتاماسىز ەتۋ, ستاتسيونارلىق كٶمەك, وڭالتۋ جەنە قالپىنا كەلۋ ەمدەرٸ قولجەتٸمدٸ بولماق.
