© ريا نوۆوستي / الەكسەي سۋحورۋكوۆ
پاۆلوداردا بولعان اتىشۋلى بانك توناۋى بويىنشا رەسەيدٸڭ تٶرت ازاماتى قاماۋعا الىندى. بۇل تۋرالى ريا نوۆوستي حابارلادى.
تەرگەۋ ماتەريالدارىنا سەيكەس, 2024 جىلعى قاراشادا قازاقستان حالىق بانكٸ (Halyk Bank) بٶلٸمشەسٸنٸڭ دەپوزيتارييٸنەن زەرگەرلٸك بۇيىمدار مەن تٷرلٸ ۆاليۋتاداعى ٸرٸ كٶلەمدەگٸ قاراجات ۇرلانعان. الدىن الا ەسەپ بويىنشا شىعىن كٶلەمٸ 400 ميلليون رۋبلگە (2,5 ميلليارد تەڭگەدەن استام) جۋىق.
قاسكٶيلەر بانك ورنالاسقان عيماراتتىڭ قابىرعاسىن بۇزىپ كٸرگەن. كەيٸن بەس كٷدٸكتٸ ۇستالىپ, ولاردىڭ بارلىعى رەسەي ازاماتتارى ەكەنٸ انىقتالعان. تٶرتەۋٸ قاماۋعا الىندى.
2025 جىلى ٸس ماتەريالدارى حالىقارالىق تەرتٸپپەن رەسەيدٸڭ تەرگەۋ ورگاندارىنا بەرٸلدٸ. شامامەن 40 قازاقستاندىق جەبٸرلەنۋشٸ رەتٸندە تانىلعان.
الايدا ٸستٸڭ ناقتى قاي كەزەڭدە ەكەنٸ بەلگٸسٸز. ۇرلانعان قاراجاتتىڭ تولىق كٶلەمٸ دە جارييالانعان جوق.
