© RIA Novosti / Aleksei Sýhorýkov
Pavlodarda bolǵan atyshýly bank tonaýy boiynsha Reseidiń tórt azamaty qamaýǵa alyndy. Bul týraly RIA Novosti habarlady.
Tergeý materialdaryna sáikes, 2024 jylǵy qarashada Qazaqstan Halyq Banki (Halyk Bank) bólimshesiniń depozitariiinen zergerlik buiymdar men túrli valiýtadaǵy iri kólemdegi qarajat urlanǵan. Aldyn ala esep boiynsha shyǵyn kólemi 400 million rýblge (2,5 milliard teńgeden astam) jýyq.
Qaskóiler bank ornalasqan ǵimarattyń qabyrǵasyn buzyp kirgen. Keiin bes kúdikti ustalyp, olardyń barlyǵy Resei azamattary ekeni anyqtalǵan. Tórteýi qamaýǵa alyndy.
2025 jyly is materialdary halyqaralyq tártippen Reseidiń tergeý organdaryna berildi. Shamamen 40 qazaqstandyq jábirlenýshi retinde tanylǵan.
Alaida istiń naqty qai kezeńde ekeni belgisiz. Urlanǵan qarajattyń tolyq kólemi de jariialanǵan joq.
