لاس-ۆەگاستاعى "T-Mobile Arena" كەشەنٸندە ٶتكەن بوكس كەشٸندە فلويد مەيۆەزەر ونىنشى راۋندتا ايقىن جەڭٸسكە جەتتٸ, دەپ حابارلايدى "ۇلت اقپارات" kaz.vesti.kz پورتالىنا سٸلتەمە جاساپ.
سپورتسٷيەر قاۋىم اسىعا كٷتكەن امەريكالىق كەسٸپقوي بوكسشى فلويد مەيۆەزەر (كٸشٸسٸ) مەن يرلاندييالىق UFC جۇلدىزى كونور ماكگرەگور اراسىنداعى جەكپە-جەك اياقتالدى. لاس-ۆەگاستاعى "T-Mobile Arena" كەشەنٸندە ٶتكەن بوكس كەشٸندە فلويد مەيۆەزەر ونىنشى راۋندتا ايقىن جەڭٸسكە جەتتٸ.
بٸرٸنشٸ راۋندتان باستاپ كونور العا ۇمتىلىپ, امەريكالىق بوكسشى ٶزٸندٸك جۇدىرىستاسۋ ستيلٸنە (قورعانۋ) باستى. يرلاندييالىق سپورتشىنىڭ قارقىنى تٶرتٸنشٸ راۋندتان كەيٸن باسىلىپ, فلويد مەيۆەزەر شابۋىلدا شيراق قيمىلداي باستادى.
كونور ماكگرەگور قالاي بولسا دا سەت سايىن سوققى جاساپ قالۋعا تىرىسۋمەن بولدى. بوكس ەرەجەسٸنە سەيكەس كەلسە دە, كەلمەسە دە قامدانىپ باقتى. تەجٸريبەلٸ مەيۆەزەر قارسىلاسىنىڭ شابۋىلىنان سىتىلىپ شىعىپ كەتۋمەن بولدى. ال كەسٸپقوي بوكس شارشى الاڭىنا العاش رەت شىققان كونوردىڭ سوڭعى راۋندتاردا شارشاپ قالعانى ايقىن بايقالدى. توعىزىنشى راۋندتاعى امەريكالىق بوكسشىنىڭ سوققىلارى قارسىلاسىن ەسەڭگٸرەتٸپ, ونىنشى راۋندتا مەيۆەزەر تەحنيكالىق نوكاۋتپەن ايقىن جەڭٸسكە جەتتٸ.
