بيىل فۋتبولدان امەريكا كۋبوگىندا ارگەنتينا قۇراماسى چەمپيون اتاندى, دەپ حابارلايدى "ۇلت اقپارات".
فينالدا برازيلييا مەن ارگەنتينا قۇرامالارى ٶزارا كٷش سىناستى. برازيلييانىڭ ريو-دە-جانەيرو قالاسىنداعى ەيگٸلٸ «ماراكانا» ستاديونىندا ٶتكەن كەزدەسۋدە ارگەنتينالىق فۋتبولشىلار 1:0 ەسەبٸمەن جەڭٸسكە جەتتٸ. ويىن تاعدىرىن شەشكەن جالعىز گولدى 22-مينۋتتا انحەل دي مارييا ٶزٸنٸڭ ەنشٸسٸنە جازدى.
ايتا كەتەرلٸگٸ, بەلگٸلٸ فۋتبولشى ليونەل مەسسي ٶزٸنٸڭ مانسابىندا تۇڭعىش رەت امەريكا كۋبوگىنىڭ يەگەرٸ اتانىپ وتىر. ول بۇعان دەيٸن اتالعان تۋرنيردە 2007, 2015, 2016 جىلى كٷمٸس جٷلدەگەر اتانسا, 2019 جىلى قولا جٷلدەنٸ قاناعات تۇتتى. سونداي-اق, ول تۋرنير بارىسىندا 7 ويىن ٶتكٸزٸپ, 4 گول سوعىپ جەنە 5 نەتيجەلٸ پاس شىعارىپ بەردٸ.
امەريكا كۋبوگى 13 ماۋسىم مەن 11 شٸلدە ارالىعىندا برازيلييادا ٶتتٸ.
