مەشٸت مەرتەبەسٸ بەرٸلگەن اييا سوفييادا مۇسىلماندار جۇما كٷنٸ ناماز وقيدى

86 جىل مۋزەي بولىپ, جاقىندا مەشٸت ستاتۋسى بەرٸلگەن ستامبۋلداعى كٶنە تاريحي ورىن - اييا سوفييادا 24 شٸلدەدە مۇسىلماندار جۇما نامازىن وقيدى. 

6 عاسىردا ۆيزانتييا يمپەراتورى يۋستينيان ٸ تۇرعىزعان كٶنە ەسكەرتكٸشتەگٸ قۇلشىلىق جاساۋ رەسٸمٸنە تٷركييا پرەزيدەنتٸ رەجەپ ەردوعان جەنە ونىڭ دٸني-كونسەرۆاتيۆتٸك كٶزقاراستاعى جاقتاستارى قاتىسادى دەپ ايتىلادى. عيماراتتاعى ۆيزانتييالىق حريستيان موزايكالارى قۇلشىلىق ۋاقىتى كەزٸندە پەردەمەن جابىلادى. 

1453 جىلى وسمان يمپەريياسى كونستانتينوپولدى (قازٸرگٸ ستامبۋل) باسىپ العاننان كەيٸن اييا سوفييا مەشٸتكە اينالعان. 1934 جىلى قازٸرگٸ تٷركييا رەسپۋبليكاسىنىڭ نەگٸزٸن قالاۋشى مۋستافا كەمال اتاتٷرٸك وعان مۋزەي ستاتۋسىن بەرگەن. تاريحي ورىن 900 جىل بويى - شٸركەۋ, 500 جىل بويى مەشٸت بولعان.

ەلەمدٸك مەدەني مۇرا رەتٸندە يۋنەسكو تٸزٸمٸندە تۇرعان مەدەني ەسكەرتكٸش حريستيان مەن مۇسىلماندارعا ورتاق تاريحي جەدٸگەر. تٷركيياداعى ەڭ كٶرنەكتٸ ورىنداردىڭ بٸرٸ سانالاتىن اييا سوفيياعا 2019 جىلى 3,7 ملن تۋريست بارعان. ەردوعان ونىڭ تۋريستەر مەن بارلىق دٸن ٶكٸلدەرٸنە اشىق بولاتىنىن ايتقان.