گەرمانييا كانتسلەرٸ انگەلا مەركەل رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەسٸپ, بەلارۋس-پولشا شەكاراسىنداعى ميگراتسييالىق مەسەلەنٸ شەشۋگە كٶمەكتەسۋٸن سۇرادى. بۇل جٶنٸندە مەركەل ەكٸمشٸلٸگٸنٸڭ سايتى حابارلادى.
اقپاراتقا قاراعاندا, نەمٸس ساياساتكەرٸ پۋتينگە پولشا شەكاراسىن بۇزىپ ٶتكەن ميگرانتتار تۋرالى سٶيلەسۋ ٷشٸن قوڭىراۋ شالعان. ول ميگرانتتاردى ەۋرووداققا قارسى قۇرال رەتٸندە پايدالانۋ "ادامگەرشٸلٸككە" جات دەپ ايتىپ, پرەزيدەنتتەن مينسكٸگە ىقپال ەتۋٸن سۇراعان.
كرەملدٸڭ باسپاسٶز قىزمەتٸ پۋتين ەو ٶكٸلدەرٸ مەن الەكساندر لۋكاشەنكو رەجيمٸمەن تٸكەلەي بايلانىس ورناتۋدى ۇسىندى دەپ حابارلادى.
ەۋرووداق 2020 جىلدىڭ تامىز ايىندا ٶتكەن بەلارۋستەگٸ پرەزيدەنت سايلاۋىنىڭ نەتيجەسٸن مويىندامايدى.
كەيٸنگٸ ايلاردا تاياۋ شىعىس, وڭتٷستٸك ازييا جەنە افريكادان شىققان مىڭداعان ميگرانتتار ەۋرووداققا مٷشە بولعان پولشا, لاتۆييا جەنە ليتۆانىڭ ايماعىنا بەلارۋس ارقىلى زاڭسىز كٸرۋگە ەرەكەت ەتٸپ جاتىر.
ەۋرووداق بۇل ٷشٸن بەلارۋس پرەزيدەنتٸ الەكساندر لۋكاشەنكونى ايىپتاپ, مۇنى بىلتىر پرەزيدەنت سايلاۋىنان كەيٸن ەنگٸزٸلگەن سانكتسييالار ٷشٸن بريۋسسەلدەن ٶش الۋ دەپ ەسەپتەيدٸ.
پولشا پرەمەر-مينيسترٸ ماتەۋش موراۆەتسكيي 9 قاراشادا ٶلكە پارلامەنتٸنٸڭ شۇعىل جينالىسىندا "لۋكاشەنكو جاساعان شابۋىلدىڭ ارتىندا پۋتين تۇر" دەگەن.
مينسك مۇنى مويىندامايدى. مەسكەۋ دە وعان قاتىسى بار ەكەنٸن تەرٸسكە شىعارىپ كەلەدٸ.
