الماتى قالالىق جەدەل مەديتسينالىق جەردەم ستانساسىنىڭ باس دەرٸگەرٸ بٸرجان وسپانوۆ ٶڭٸرلٸك كوممۋنيكاتسييالار الاڭىندا ٶتكەن ونلاين بريفينگ بارىسىندا الداعى مەرەكە كٷندەرٸندە كوروناۆيرۋستى جۇقتىرىپ الماۋ جٶنٸندەگٸ ۇسىنىستارمەن بٶلٸستٸ, دەپ حابارلايدى قازاقپارات.
«مەرەكە كٷندەرٸ, سونىڭ ٸشٸندە جاڭا جىل مەرەكەسٸ كەزٸندە بٸز ەرقاشان پاتسيەنتتەردٸڭ ٷلكەن اعىمىن كٷتەمٸز. سەبەبٸ, جىلدا بولاتىن ستاتيستيكالىق دەرەك وسىنى كٶرسەتەدٸ. بٸرٸنشٸ كەزەكتە, بۇل پەتاردا, وتشاشۋ جەنە تاعى دا باسقا زاتتاردى قاۋٸپتٸ پايدالانعانداعى جاراقاتتارعا. ودان باسقا تۇرمىستا بولاتىن جاراقاتتار بار. سونداي-اق, تٷرلٸ تاعام نەمەسە سۋسىننان, ٸشٸمٸكتەن ۋلانىپ تٷسەتٸندەردٸڭ دە قاتارى ٶتە كٶپ», - دەدٸ بٸرجان وسپانوۆ.
سونىمەن قاتار, كوروناۆيرۋسقا قاتىستى جاعدايدى ەسكەرە وتىرىپ, بٸرجان وسپانوۆ الماتىلىقتاردى جاپپاي شارالار ٶتكٸزۋدەن باس تارتۋعا, سونىڭ ٸشٸندە مەرەكە كەزٸندە باسقوسۋدى شەكتەۋگە شاقىردى.
«بٸز جاقىندارىمىزبەن, دوستارىمىزبەن ارالاسىپ تۇرعاندى جاقسى كٶرەمٸز, ەسٸرەسە مەرەكە كٷندەرٸ ولارمەن بٸرگە بولعىمىز كەلەدٸ. قۇرمەتتٸ ازاماتتار, بٸز سٸزدەردەن بايلانىستى شەكتەۋدٸ, كٶپ بولىپ جينالماۋدى, وسىلايشا تۋىستارىڭىزدى قورعاۋدى سۇرايمىز. سەبەبٸ بۇل - ٶتە ٶزەكتٸ مەسەلە. تۋعاندارىڭىزعا جانىڭىز اشىسا, سولاي ەتكەنٸڭٸز جٶن. كٶپشٸلٸك ٸس-شارالاردى ٶتكٸزۋدەن اۋلاق بولۋ كەرەك. ۆيرۋستىڭ بايلانىس جاساۋ جەنە اۋا تامشىلارى ارقىلى تارالاتىنىن ەستە ۇستاعان جٶن. بەتپەردە كيٸڭٸز, قولىڭىزدى انتيسەپتيكپەن تازارتىڭىز, بٶلمەلەردٸ دەزينفەكتسييالاڭىز», - دەدٸ ول.
بۇعان دەيٸن مەديتسينا عىلىمدارىنىڭ كانديداتى, قاراعاندى مەديتسينالىق ۋنيۆەرسيتەتٸنٸڭ كلينيكالىق فارماكولوگييا كافەدراسىنىڭ مەڭگەرۋشٸسٸ, پروفەسسور شولپان قاليەۆا كوروناۆيرۋستان قورعانۋدىڭ باستى فاكتورلارىن اتاعان بولاتىن. ونىڭ ايتۋىنشا, ماسكا تاعۋ, ەلەۋمەتتٸك قاشىقتى ساقتاۋ, دەزينفەكتسييا ۆيرۋستان قورعايتىن باستى شارالار بولىپ وتىر.
«ادامدار اۋىرا ما, اۋىرماي ما وعان قاراماستان كٶپ بايلانىسقا تٷسپەۋگە تىرىسۋ كەرەك. ادامدار اۋىراتىنىن بٸلمەۋٸ دە مٷمكٸن. سوندىقتان, ماسكا تاعۋعا مٸندەتتٸ. ٶيتكەنٸ ماسكا ۆيرۋستىڭ 70 پايىزىن سٷزەدٸ. ادام جۇقتىرعان جاعدايدا دا ۆيرۋس جٷكتەمەسى دە از بولادى. قوعامدىق ورىندارعا بارعان سوڭ قولدى سانيتايزەرمەن تازالاۋ كەرەك», - دەيدٸ شولپان قاليەۆا.
ال الماتى قالاسى پسيحيكالىق دەنساۋلىق ورتالىعىنىڭ ديرەكتورى ساپار راحمەنشەەۆ بيىل جرۆي, تۇماۋ, كوروناۆيرۋس قاتار جٷرەتٸنٸن ايتقان ەدٸ.
«تۇماۋ بەلگٸسٸن بايقاساڭىز مٸندەتتٸ تٷردە ەمحاناعا جٷگٸنۋ كەرەك. ٶزٸن-ٶزٸ ەمدەۋمەن اينالىسۋدىڭ قاجەتٸ جوق. ەڭ باستىسى – دەرٸگەرلەرمەن كەڭەسكەن ابزال. حابارلاسقاننان كەيٸن دەرٸگەرلەر سٸزدٸ باقىلاۋعا الىپ, قاجەتتٸ ەمدەۋدٸ تاعايىندايدى», - دەدٸ ول.
