الماتى ەكٸمٸ باقىتجان ساعىنتاەۆپەن كەزدەسۋدە زەردەلٸ شاعىن اۋدانىنىڭ تۇرعىنى قيسايعان ٷيدٸڭ تاعدىرى جايلى سۇراق قويدى, دەپ حابارلايدى قازاقپارات.
«بٸزبەن كەزدەسۋدە قيسايعان ٷيدٸ تٷزەتٸپ بەرەمٸز دەپ ايتىلعان بولاتىن. 6 جىل بۇرىن عيماراتتى سالعان باقىلاۋشى, قۇرىلىس كومپانيياسى ورگاندارى نەگە ناشار جۇمىس ٸستەگەن? بٸزدٸڭ تاعدىرىمىز نە بولادى?» - دەدٸ قالا تۇرعىنى.
قالا ەكٸمٸ ساۋال قويعان تۇرعىنعا جانايقايىن تٷسٸنەتٸنٸن جەتكٸزدٸ.
«ٶزدەرٸڭٸزبەن كەزدەسۋدە سٸزدەر سۇراق قويعان بولاتىنسىزدار. وسى ٷيدٸ بٸرقالىپقا كەلتٸرگەن سوڭ, قايتا قيسايىپ قۇلاماي ما, وعان كەپٸلدٸك بەرەسٸز بە دەپ سۇراعان ەدٸڭٸزدەر. مەن دە ادامنىڭ بالاسىمىن, قۇدايدان قورقامىن. مەن دە ەشكٸمنٸڭ نالاسىنا قالعىم كەلمەيدٸ. نەگٸزگٸ مەسەلە «ٷيدٸ تٷزەتتٸك, ال كٸرە قويىڭدار, پروبلەمانىڭ شەشٸمٸ تابىلدى, ەندٸ سٸزدەردٸ تانىمايمىز» دەگەندە ەمەس. كٶپ شارالار اتقارىلدى. ينستيتۋتتان ماماندار شاقىرىلدى. نەدەن بولعانىن قارادى. ەسەبٸن قالاي ورنىنا كەلتٸرۋگە بولاتىنىن شىعاردى. ورنىنا كەلتٸرەتٸن جۇمىستار جٷرگٸزٸلٸپ جاتىر. ٶزدەرٸڭٸز بٸلەسٸزدەر, سەۋٸر-مامىر اراسىندا بۇل جۇمىستار بٸتەدٸ. بٸز مامانداردىڭ, تولىق تەۋەلسٸز ساراپشىلاردىڭ قورىتىندىسىن كٷتەمٸز. ولاردىڭ ايتۋىنشا, ٷيدٸڭ جاعدايى بٸرقالىپتى. ٷيدٸڭ قۇنىنا بايلانىستى ەرتٷرلٸ ۇسىنىستار كەلٸپ جاتىر. ول جەردٸ جالعا الىپ وتىرعاندار دا بار, يپوتەكاعا الىپ وتىرعاندار دا بار. جاقىندا ٶزدەرٸڭٸزدٸ جيناپ شەشٸمٸن ايتامىز», - دەدٸ قالا ەكٸمٸ.
الماتىدا قيسايعان ٷيگە قاتىستى زەرتتەۋ قورىتىندىلارى شىقتى.
مامانداردىڭ پٸكٸرٸنشە, قيسايعان ٷيدٸڭ بارلىق پروبلەمالارى تٷپكٸلٸكتٸ شەشٸلگەنٸنە كٶز جەتكٸزگەنگە, ياعني ٷش ايعا دەيٸن سوزىلۋى مٷمكٸن. سونىمەن قاتار, زەردەلٸ ىقشام اۋدانىنداعى بارلىق 32 ٷي بويىنشا زەرتتەۋ جٷرگٸزٸلٸپ, قازعزي-دٸڭ ۇسىنىمدارى شىقپاق.
قازٸرگٸ ۋاقىتتا بارلىق تۇرعىندار قالا ەكٸمشٸلٸگٸ ەسەبٸنەن جالعا بەرٸلەتٸن تۇرعىن ٷيمەن قامتاماسىز ەتٸلگەن. ادامدارعا بالالارىن بالاباقشالار مەن باسقا دا بٸلٸم بەرۋ مەكەمەلەرٸنە ورنالاستىرۋعا كٶمەك كٶرسەتٸلۋدە.
