قر پرەزيدەنتٸ قاسىم-جومارت توقاەۆ مەملەكەتتٸك تٸلدٸ جەتٸك مەڭگەرگەن ازاماتتارعا قولداۋ كٶرسەتۋ كەرەكتٸگٸن ەسكە سالدى, دەپ حابارلايدى قازاقپارات.
«مەن قازاق تٸلٸن جەتٸك مەڭگەرگەن ازاماتتارىمىزعا زور قۇرمەتپەن قارايمىن. بۇل ازاماتتاردى جان-جاقتى, تٷرلٸ تەسٸلدەرمەن قولداۋ كەرەك دەپ ويلايمىن. بٷگٸن الەكسەي لودوچنيكوۆ ايتقانداي, ونداي ازاماتتار قازاقستاندا مىڭداپ كەزدەسەدٸ», - دەدٸ مەملەكەت باسشىسى قازاقستان حالقى اسسامبەلياسىنىڭ حححٸ سەسسيياسىندا.
سونداي-اق, پرەزيدەنت مەملەكەتتٸك تٸل مەن ورىس تٸلٸنٸڭ قوعامداعى ورنى كونستيتۋتسييادا ايقىن كٶرسەتٸلگەنٸ, بٷكٸل قوعام سوعان قاراپ بوي تٷزەۋٸ كەرەكتٸگٸن اتاپ ٶتتٸ.
«تٸلگە قاتىستى ەشقانداي كەمسٸتۋ بولماۋى كەرەكتٸگٸن باسا ايتامىن. كونستيتۋتسييا بۇل سۇراققا ايقىن جاۋاپ بەرەدٸ. بٸزدٸڭ ەلدٸڭ مەملەكەتتٸك تٸلٸ – قازاق تٸلٸ. بٸراق بٸزدٸڭ اتا زاڭىمىزدا ورىس تٸلٸ دە كەرەكتٸ ورنىن الىپ تۇر. سوندىقتان وسىنى نەگٸزگە ۇستايىق», - دەدٸ قاسىم-جومارت توقاەۆ.
