قر پارلامەنتٸ مەجٸلٸسٸنٸڭ دەپۋتاتى ايدوس سارىم پرەزيدەنت قاسىم-جومارت توقاەۆتىڭ سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كەڭەستە سٶيلەگەن سٶزٸ تۋرالى پٸكٸر بٸلدٸردٸ, دەپ حابارلايدى قازاقپارات.
«بٸز ەر ەكٸ-ٷش جىل سايىن تەكسەرۋ جٷرگٸزەمٸز. ەر تەكسەرۋ سايىن جەمقورلاردى قاماپ جاتامىز. جەمقورلاردى سوتتاپ تاۋىسامىز دەگەنشە سىبايلاس جەمقورلىق قۇرامداس بٶلٸگٸن الىپ تاستاۋ كەرەك. بۇل ٷشٸن وسى سالاداعى ساراپشىلارمەن, سۋبسيدييا الۋشىلارمەن كٶبٸرەك سٶيلەسۋ قاجەت. بۇل سۋبسيدييا عانا ەمەس, بٷكٸل مەملەكەتتٸك ساتىپ الۋ ٸسٸنە قاتىستى. پرەزيدەنت پروبلەمالاردى ٶتە جاقسى بٸلەتٸنٸن كٶرسەتتٸ. مەملەكەت باسشىسىنىڭ بۇل مەسەلەگە مۇقييات دايىندالعانى كٶرٸنٸپ تۇر. ەگەر بٸز مەملەكەتتٸك ساتىپ الۋ جٷيەسٸن ٶزگەرتۋ تۋرالى ايتاتىن بولساق, ونى بيۋدجەتتٸك جوسپارلاۋدى دۇرىس جولعا قويۋدان باستاۋ كەرەك. بٸزدە بيۋدجەتتٸڭ ەك پروبلەماسى بار. بٶلٸنگەن قارجىنى يگەرمەۋ دەگەن اۋرۋ بار نەمەسە باعانى جاساندى تٷردە كٶتەرۋدٸ ايتۋعا بولادى», - دەپ اتاپ ٶتتٸ مەجٸلٸس ٶكٸلٸ.
دەپۋتاتتىڭ ايتۋىنشا, بۇل مەسەلەدە بيۋدجەتتٸك جوسپارلاۋمەن اينالىساتىنداردىڭ جاۋاپكەرشٸلٸگنە دە بايلانىستى.
«مەملەكەتتٸك ساتىپ الۋ ٸسٸندە بٸرٸنشٸ باسشىلاردىڭ تەحنيكالىق تاپسىرمالاردى قالىپتاستىرۋداعى جاۋاپكەرشٸلٸگٸ زور. بٸز نارىقتىڭ بار ەكەنٸن ۇمىتپاۋىمىز كەرەك. نارىقتا بەلگٸلٸ بٸر كومپانييالار, باعالار بار ەكەنٸن تٷسٸنۋٸمٸز كەرەك. مەملەكەتتٸك ساتىپ الۋلار بيۋدجەت قاراجاتىن اشىق جۇمسپا, مەيلٸنشە ٷنەمدەۋ ٷشٸن جاسالادى. جەكەلەگەن مٷددەلٸ تۇلعالاردىڭ ساتىپ الۋعا دەگەن قىزىعۋشىلىعىن سالىق ورگاندارى نەمەسە باسقا دا قۇرىلىمدار ارقىلى تەجەۋ قاجەت. جاسىراتىنى جوق, اينالىمىندا قوماقتى قاراجات بار كٶپتەگەن كومپانييالاردىڭ بۇرىنعى قىزمەتكەرلەرٸ كەسٸپورىن قۇرىپ, تۇراقتى جەتكٸزۋشٸگە اينالىپ شىعا كەلەدٸ. وسى سيياقتى ەر تٷيتكٸلدٸ جٷيەلٸ تٷردە تارقاتۋ كەرەك», - دەگەن ايدوس سارىم بٷگٸنگە دەيٸن جەمقورلىقتى جويۋ ٷشٸن قابىلدانعان شەشٸمدەر جەمٸسٸن بەرەتٸنٸنە سەنٸم بٸلدٸردٸ.
Cونداي-اق, ول بٷگٸنگە دەيٸن «قول تيگٸزۋگە بولمايتىن» سالا سانالىپ كەلگەن سەكتورلاردا تىڭعىلىقتى تەكسەرۋ جٷرگٸزۋ كەرەكتٸگٸن ايتتى.
«ەگەر وسى ٸستە شەشٸمتال ەرەكەتكە بارا الساق, قوعام مەن بيلٸك اراسىندا سەنٸم ورناتۋعا بولاتىن باستاپقى نٷكتەنٸ تاپقان بولار ەدٸك. سىبايلاس جەمقورلىقتى تٷپ-تامىرىمەن قۇرتقان بٸر دە بٸر ەل جوق ەكەنٸ تٷسٸنٸكتٸ. بٸراق ونى بارىنشا ازايتۋ بٸزدٸڭ قولىمىزدا دەپ ويلايمىن. ەڭ باستىسى – بۇل كٷرەسكە جۇرتتىڭ قالاي اتسالىساتىنىندا. سىبايلاس جەمقورلىق ٶزٸمٸزبەن بەتپە-بەت كەلسە, كٶز جۇمۋعا دايىنبىز. كٶبٸمٸز كەزەكتٸ جىلجىتۋ سيياقتى ۇساق-تٷيەك سانالاتىن مەسەلەلەردە پارا بەرۋدەن تارتىنبايمىز. ال دەل سونداي ٶزگەلەردٸڭ پارا بەرۋٸ نەمەسە الۋى بٸزگە زارداپ تيگٸزسە, باسقاشا سايراپ شىعا كەلەمٸز. جەمقورلىقپەن الالاپ كٷرەسۋ مٷمكٸن ەمەس», - دەپ تٷيٸندەدٸ ايدوس سارىم.
