قر تٶتەنشە جاعدايلار كوميتەتٸنٸڭ «سەلدەنقورعاۋ قۇرىلىس» رەسپۋبليكالىق مەملەكەتتٸك مەكەمەسٸنٸڭ ديرەكتورى پارا الۋعا ەرەكەتتەنگەنٸ ٷشٸن قاماۋعا الىندى, دەپ حابارلايدى "ۇلت اقپارات" قر سىبايلاس جەمقورلىققا قارسى ٸس-قيمىل اگەنتتٸگٸنە سٸلتەمە جاساپ.
الماتى قالاسى بويىنشا سىبايلاس جەمقورلىققا قارسى ٸس-قيمىل قىزمەتٸ «سەلدەنقورعاۋ قۇرىلىس» رمك ديرەكتورىنا قاتىستى پارا الۋ ەرەكەتٸ بويىنشا سوتقا دەيٸنگٸ تەرگەۋدٸ باستادى. ول كومپانييا باسشىسىنان رەسپۋبليكالىق ماڭىزداعى اۆتوموبيل جولىنىڭ بويىندا جەر تەلٸمٸنە ورنالاستىرۋ بويىنشا كٶرسەتٸلگەن قىزمەت تۋرالى انىقتاما بەرگەنٸ ٷشٸن 5 ملن تەڭگە كٶلەمٸندە پارا الماق بولعان دەگەن كٷدٸككە ٸلٸنٸپ وتىر.
«كٷدٸكتٸ ۇستالىپ, الماتى قالاسىنىڭ پوليتسييا دەپارتامەنتٸنە قاراستى ۋاقىتشا ۇستاۋ يزولياتورىنا قامالدى. ونىڭ كٸنەسٸنە قاتىستى تٷبەگەيلٸ ٷكٸمدٸ سوت شىعارادى» دەلٸنگەن اگەنتتٸكتٸڭ اقپاراتىندا.
