مەملەكەتتٸك قىزمەتشٸلەردٸڭ جالاقىسىن كەم دەگەندە ناقتى 2 ەسەگە ارتتىرۋعا مٷمكٸندٸك بار. بۇل تۋرالى بٷگٸن قر سىبايلاس جەمقورلىققا قارسى ٸس-قيمىل اگەنتتٸگٸنٸڭ القا مەجٸلٸسٸندە ۆەدومستۆو باسشىسى اليك شپەكباەۆ ايتتى, – دەپ حابارلايدى قازاقپارات.
«ازاماتتاردىڭ ٶمٸر ساپاسى مەن كٸرٸسٸن ارتتىرۋدىڭ ماڭىزدى فاكتورلارىنىڭ بٸرٸ جەمقورلىقتان ازات كەسٸبي ەرٸ تيٸمدٸ مەملەكەتتٸك اپپارات قۇرۋ بولىپ سانالادى. دەگەنمەن, مەملەكەتتٸك ورگانداعى جۇمىس ٶتٸلٸ 20 جىلدان اساتىن, جالاقى تٶلەۋدٸڭ جاڭا جٷيەسٸنە ٶتپەگەن اتقارۋشى لاۋازىمىنداعى مەملەكەتتٸك قىزمەتشٸنٸڭ قازٸرگٸ جالاقىسى ەلدەگٸ ورتاشا كٶرسەتكٸشتەن تٶمەن. مەملەكەتتٸك قىزمەتتەردٸ تسيفرلاندىرۋ, مەملەكەتتٸك ورگاندار قىزمەتٸنٸڭ اشىقتىعى مەن ايقىندىعىن ارتتىرۋ, كەشەندٸ پرەۆەنتيۆتٸ جازالاۋ شارالارى بويىنشا اۋقىمدى جۇمىستارعا قاراماستان مەملەكەتتٸك قىزمەتشٸلەر جالاقىسىنىڭ قازٸرگٸ دەڭگەيٸ جەمقورلىققا قارسى ٸ-قيمىل پروتسەسٸن ايتارلىقتاي تەجەپ وتىر» دەدٸ اگەنتتٸك باسشىسى.
ول سينگاپۋر, گونكونگ, ەۋروپا سيياقتى سىبايلاس جەمقورلىق دەڭگەيٸ تٶمەن ەلدەردە جالاقى كٶلەمٸن تٷبەگەيلٸ ارتتىرۋ سىبايلاس جەمقورلىقتى جويۋدىڭ نەگٸزگٸ شارتى بولعانىن, مەملەكەتتٸك اپپاراتقا جوعارى بٸلٸكتٸ كادرلاردىڭ كەلۋٸن قامتاماسىز ەتكەنٸن مىسالعا كەلتٸردٸ.
«قازاقستاننىڭ قازٸرگٸ شىنايى ٶمٸرٸنە ورالسام, سوڭعى 5 جىلدا سىبايلاس جەمقورلىق ٷشٸن قىلمىستىق جاۋاپكەرشٸلٸككە تارتىلعانداردىڭ 75 پايىزى – بۇلار جالاقىسى تٶمەننەن ورتا جەنە تٶمەنگٸ بۋىنداعى مەملەكەتتٸك قىزمەتكەرلەر. وسى ورايدا باسشىلار پارانى اشكٶزدٸكتەن, ال قاراپايىم مامان قاجەتتٸلٸكتەن جەنە تىعىرىققا تٸرەلگەندٸكتەن الاتىندىعى تۋرالى قوعامدىق پٸكٸر بارىنشا ەدٸل بولىپ كٶرٸنەدٸ» دەدٸ ا.شپەكباەۆ.
وسى ورايدا اگەنتتٸك باسشىسى جالاقىنى ارتتىرۋ بيۋدجەتكە قوسىمشا اۋىرتپالىق تٷسٸرمەۋٸ تيٸستٸگٸنە باسا نازار اۋداردى.
«مەملەكەتتٸك ورگاندار مەن ولاردىڭ ۆەدومستۆولىق باعىنىستى ۇيىمدارىن كەشەندٸ وڭتايلاندىرۋ قاجەت. ول ٷشٸن قۇقىقتىق نەگٸز قالىپتاسقان. بٸرٸنشٸ باسشىلار مەملەكەتتٸك ورگاننىڭ شتاتتىق سانى مەن ۇيىمدىق قۇرىلىمىن دەربەس انىقتاي الادى. ال ٷنەمدەلگەن قاراجات جالاقىنى ارتتىرۋ ٷشٸن ولاردىڭ يەلٸگٸندە قالادى. سوندىقتان مەملەكەتتٸك قىزمەتشٸلەردٸڭ جالاقىسىن كەم دەگەندە ناقتى 2 ەسەگە ارتتىرۋعا مٷمكٸندٸك بار» دەدٸ ول.
