جانىبەك نۇرجانوۆ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى بولىپ تاعايىندالدى, - دەپ حابارلايدى "ۇلت اقپارات" مكك باسپاسٶز قىزمەتٸنە سٸلتەمە جاساپ.
"قر قارجى مينيسترٸنٸڭ 2022 جىلعى 22 سەۋٸردەگٸ بۇيرىعى بويىنشا جانىبەك نۇرجانوۆ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى لاۋازىمىنا تاعايىندالدى. ۇجىمعا ونى مەملەكەتتٸك كٸرٸستەر كوميتەتٸنٸڭ تٶراعاسى ەلي التىنباەۆ تانىستىردى", - دەلٸنگەن حابارلامادا.
نۇرجانوۆ جانىبەك مەۋلٸتبەكۇلى ەڭبەك جولىن 1989 جىلدان باستاپ, ٶسكەمەن قالاسى بويىنشا سالىق ينسپەكتسيياسىنىڭ جەكە كەسٸپكەرلٸك قىزمەتتەرگە سالىق سالۋ بٶلٸمٸنٸڭ سالىق ينسپەكتورى, اعا, جەتەكشٸ سالىق ينسپەكتورى, مەملەكەتتٸك كٸرٸستەر مينيسترلٸگٸ ٶندٸرٸستٸك ەمەس تٶلەمدەر دەپارتامەنتٸنٸڭ باس مامانى, استانا قالاسىنىڭ الماتى اۋدانى بويىنشا سالىق كوميتەتٸ تٶراعاسىنىڭ ورىنباسارى, اقتٶبە قالاسى بويىنشا سالىق كوميتەتٸنٸڭ تٶراعاسى, قوستاناي قالاسى بويىنشا سالىق باسقارماسىنىڭ باسشىسى, اتىراۋ وبلىسى بويىنشا مەملەكەتتٸك كٸرٸستەر دەپارتامەنتٸ باسشىسىنىڭ ورىنباسارى لاۋازىمدارىندا جۇمىس ٸستەگەن.
