قر تۇڭعىش پرەزيدەنتٸ - ەلباسى قورى قازاقستان ٷكٸمەتٸمەن بٸرلەسٸپ سالالىق مەنەدجەرلەردٸ دايارلاۋ باعدارلاماسىن ٸسكە اسىرۋعا كٸرٸسەدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
باعدارلاما ەلباسىنىڭ «ەل ٷمٸتٸ» باستاماسى اياسىندا ەزٸرلەنگەن جەنە «100 ناقتى قادام» ۇلت جوسپارىن, سونداي-اق قازاقستان پرەزيدەنتٸ ق. توقاەۆتىڭ ەكونوميكا مەن ەلەۋمەتتٸك سالانى مەملەكەتتٸك باسقارۋدا جاڭا تەسٸلدەردٸ ەنگٸزۋ قاجەتتٸگٸ تۋرالى تاپسىرماسىن ساپالى ورىنداۋعا باعىتتالعان.
باعدارلامانى تۇڭعىش پرەزيدەنت قورى ٷكٸمەتپەن جەنە احقو-مەن بٸرلەسٸپ جٷزەگە اسىرادى. ونىڭ باستى ماقساتى — سالالىق كەسٸبي تۇلعالاردى تابۋ جەنە ولاردى ەكونوميكانىڭ باسىمدىقتى سالالارىندا ٶزگەرٸستەردٸ باسقارۋدا كٶشباسشىلار رەتٸندە ودان ەرٸ دايارلاۋ.
مەسەلەن, 2019 جىلى 27 قاراشادا تالانتتى جاستارمەن ٶتكەن كەزدەسۋدە قر تۇڭعىش پرەزيدەنتٸ – ەلباسى نۇرسۇلتان نازارباەۆ ەكونوميكانىڭ تٷرلٸ سالالارىندا كەسٸبي مامانداردىڭ قالىپتاسۋىنىڭ ماڭىزدىلىعىن اتاپ ٶتتٸ.
«باستى تالاپ – ەڭ ٷزدٸك بٸلٸم مەن ەلەمنٸڭ جەتەكشٸ كومپانييالارىندا تەجٸريبە جيناۋ عانا ەمەس, كوماندادا جۇمىس ٸستەي بٸلۋ, كٷردەلٸ مٸندەتتەر ٷشٸن جاۋاپكەرشٸلٸك الا بٸلۋ جەنە ولاردى سوڭىنا دەيٸن جەتكٸزە بٸلۋ. باعدارلاما بويىنشا ٸرٸكتەلگەن ەربٸر مامان ٶزگەرٸستەر باسقارۋ مەنەدجەرٸنە دەيٸنگٸ وقىتۋدان ٶتەدٸ», — دەگەن بولاتىن ەلباسى.
باعدارلامانىڭ ٶزەكتٸلٸگٸ مەملەكەت باسشىسى العا قويعان مەملەكەتتٸك باسقارۋدىڭ جاڭا مودەلٸن قالىپتاستىرۋ بويىنشا مٸندەتتەر اياسىندا ارتا تٷسەدٸ. ەل پرەزيدەنتٸ ق. توقاەۆ «بٸزگە تٷرلٸ سالالاردا جاڭا فورماتسيياداعى باسقارۋشىلار كومانداسى كەرەك» دەپ اتاپ ٶتكەن ەدٸ.
باعدارلاما قازاقستاندىق كەسٸبي مامانداردى مەملەكەتتٸك باسقارۋعا تارتۋ ٷشٸن قوسىمشا جاعدايلار جاسايدى. بۇل رەتتە, ازاماتتاردىڭ مەملەكەتتٸك اپپاراتپەن ىنتىماقتاستىعىنىڭ جاڭا فورماتتارى ۇسىنىلادى. بۇل ولاردى مٸندەتتٸ تٷردە مەملەكەتتٸك قىزمەتتە لاۋازىمعا يە بولۋعا تارتۋدى كٶزدەمەيدٸ.
باعدارلاما اياسىندا بٸرٸنشٸ كەزەڭدە ساۋدا جەنە لوگيستيكا, قۇرىلىس, اۋىل شارۋاشىلىعى, گەولوگييالىق بارلاۋ جەنە ٶنەركەسٸپ (سونىڭ ٸشٸندە – جاڭا يندۋسترييا), سۋ رەسۋرستارى, ٶڭٸرلٸك دامۋ جەنە قالالاردى باسقارۋ, تۋريزم, مەدەنيەت جەنە سپورت, بٸلٸم بەرۋ, دەنساۋلىق ساقتاۋ جەنە مەديايندۋسترييا سەكٸلدٸ 11 سالاداعى ناقتى مٸندەتتەردٸ جٷزەگە اسىرۋعا 200 قازاقستاندىق كەسٸبي ماماندى تارتۋ كٶزدەلگەن.
باعدارلاماعا قاتىسۋعا مەملەكەتتٸك جەنە جەكەمەنشٸك سەكتوردا جۇمىس ٸستەيتٸن, سونىڭ ٸشٸندە شەتەلدە تۇراتىن, تابىستى پراكتيكالىق تەجٸريبەسٸ, كەسٸبي بٸلٸمٸ جەنە ەڭ باستىسى – مەملەكەتتٸڭ ٶركەندەۋٸنە جەكە ٷلەسٸن قوسۋعا نيەتٸ بار قر ازاماتتارى شاقىرىلادى.
باعدارلاماعا قاتىسۋشىلار ەلەمنٸڭ جەتەكشٸ ينستيتۋتتارى مەن كومپانييالارىندا كۋرستار مەن تاعىلىمدامالار تٷرٸندە فۋنكتسيونالدىق جەنە سالالىق وقىتۋدان ٶتەدٸ.
ٶزگەرٸستەردٸ باسقارۋ بويىنشا مەنەدجەرلەردٸ دايارلاۋ باعدارلاماسىنىڭ ماڭىزدى كومپونەنتٸ — ونىڭ قاتىسۋشىلارىنىڭ جوعارىدا اتالعان 11 سالاداعى ەڭ ٶزەكتٸ 49 پراكتيكالىق مٸندەتتەردٸ شەشۋٸ.
باعدارلاماعا قاتىسۋشىلار ٶزدەرٸنٸڭ تەلٸمگەرلەرٸ رەتٸندە ەرەكەت ەتەتٸن جەتەكشٸ وتاندىق جەنە حالىقارالىق ساراپشىلارمەن, ٷكٸمەت باسشىلىعىمەن تٸكەلەي جەنە جٷيەلٸ ٶزارا ٸس-قيمىل جاساۋ مٷمكٸندٸگٸنە يە بولادى.
باعدارلاماعا جالپى باسشىلىق ەتۋدٸ قر پرەمەر-مينيسترٸ اسقار مامين باستاعان باسقارۋشى كوميتەت جٷزەگە اسىرادى. باعدارلامانى ٸسكە اسىرۋدى تپق ٷكٸمەتتٸڭ جوبالىق وفيسٸمەن بٸرگە قامتاماسىز ەتەدٸ.
باعدارلاماعا قاتىسۋ ٷشٸن ٷمٸتكەرلەردٸڭ ٶتٸنٸمدەرٸن قابىلداۋ 15 قاڭتاردا باستالدى. سالالىق كوماندالاردى ٸرٸكتەۋ جەنە قالىپتاستىرۋ پروتسەسٸ وسى جىلدىڭ 15 ناۋرىزىنا دەيٸن اياقتالادى. بۇل جۇمىسپەن ارنايى تەۋەلسٸز كوميسسييا اينالىسادى. كانديداتتاردى باعالاۋعا, ٸرٸكتەۋدٸڭ وبەكتيۆتٸلٸگٸ ٷشٸن حالىقارالىق ساراپشىلار تارتىلاتىن بولادى. باعدارلاماعا قاتىسۋعا ٶتٸنٸم بەرۋ ٷشٸن cv@elumiti.kz ەلەكتروندىق پوشتاسىنا كەرٸ بايلانىس ٷشٸن بايلانىس دەرەكتەرٸن كٶرسەتە وتىرىپ, تٷيٸندەمە جٸبەرۋ قاجەت.
