فوتو: اقوردا
قاسىم-جومارت توقاەۆ پرەمەر-مينيستر ساناە تاكايچيدٸ جاپونيياداعى پارلامەنت سايلاۋىندا ليبەرالدى-دەموكراتييالىق پارتييانىڭ جەڭٸسكە جەتۋٸنە وراي قۇتتىقتاپ, جەدەلحات جولدادى, دەپ حابارلايدى Ult.kz.
– بۇل ەلەۋلٸ جەتٸستٸك – سٸزدٸڭ پاراساتتى ساياساتىڭىز بەن ٶزٸڭٸز باسقارىپ وتىرعان پارتييانىڭ ماڭىزدى جوسپارلارىنا بارشا وتانداسىڭىز كٶرسەتكەن سەنٸمنٸڭ ايقىن دەلەلٸ ەكەنٸ سٶزسٸز. حالقىڭىزدىڭ جارقىن بولاشاعى ٷشٸن سٸڭٸرٸپ جاتقان قاجىرلى ەڭبەگٸڭٸز, قولعا العان تىڭ باستامالارىڭىز ەلٸڭٸزدٸ بٷگٸننەن دە بيٸك تابىستارعا جەتەلەي بەرەتٸنٸنە كەمٸل سەنەمٸن, – دەلٸنگەن جەدەلحاتتا.
پرەزيدەنت بىلتىر جاپونيياعا جاساعان رەسمي ساپارىن ىستىق ىقىلاسپەن اتاپ ٶتٸپ, ٶزارا ۋاعدالاستىقتار ەكٸجاقتى ىنتىماقتاستىقتى ساپالى دەڭگەيگە كٶتەرگەنٸن جەتكٸزگەن. سونداي-اق قازاق-جاپون قارىم-قاتىناستارىنىڭ جوعارى قارقىنىن ساقتاپ, ونى ۇدايى دامىتۋ ٷشٸن ساناە تاكايچيمەن بٸرگە كٷش-جٸگەر جۇمىلدىرۋعا دايىن ەكەنٸن راستاعان.
