فوتو: اقوردا
اقوردا رەزيدەنتسيياسىندا ححV قىسقى وليمپيادا ويىندارىنىڭ جەڭٸمپازى ميحايل شايدوروۆ پەن ونىڭ جاتتىقتىرۋشىلارىن ماراپاتتاۋ رەسٸمٸ ٶتتٸ, دەپ حابارلايدى Ult.kz.
پرەزيدەنت قاسىم-جومارت توقاەۆ سالتاناتتى ٸس-شارادا سٶيلەگەن سٶزٸندە قازاقستان ٷشٸن بۇل وليمپيادانىڭ ورنى ەرەكشە ەكەنٸن ايتتى.
– وتانداسىمىز ميحايل شايدوروۆ تاماشا ٶنەر كٶرسەتتٸ. مەنەرلەپ سىرعاناۋدان التىن مەدالعا يە بولىپ, كٶك تۋىمىزدى وليمپ شىڭىنا كٶتەردٸ. سوندىقتان ميحايلعا العىسىمدى بٸلدٸرٸپ, قۇتتى بولسىن دەگٸم كەلەدٸ. اقوردادا جينالىپ وتىرعان ادامدارعا, ەڭ الدىمەن, ميحايلدىڭ ەكەسٸ مەن جەڭٸمپازدىڭ باپكەرٸنە ريزاشىلىعىمدى ايتامىن. بارشاڭىزدى تاعى دا شىن جٷرەكتەن قۇتتىقتايمىن! سٸزدەر قاجىرلى جەنە تاباندى ەڭبەكتٸڭ ارقاسىندا ميحايلدى مىقتى سپورتشى, ناعىز دارىن يەسٸ رەتٸندە بٷكٸل ەلەمگە پاش ەتتٸڭٸزدەر. حالقىمىز ميحايلدى ماقتان تۇتادى, ال جاس بۋىن ودان ٷلگٸ الادى. وليمپيادا جەڭٸمپازى بولۋ – بيٸك ماقسات جولىندا كەز كەلگەن قيىندىقتى جەڭۋ, ياعني, ۇزاق ەرٸ كٷردەلٸ جولعا دايىن بولۋ دەگەن سٶز. تەمٸردەي تەرتٸپپەن كٷن سايىن تىنىمسىز جۇمىس ٸستەگەن ادام عانا زور تابىسقا جەتەرٸ انىق, – دەدٸ مەملەكەت باسشىسى.
فوتو: اقوردا
قاسىم-جومارت توقاەۆ ميحايل شايدوروۆتىڭ جەڭٸسٸ ەلٸمٸز ٷشٸن تەڭدەسٸ جوق جەتٸستٸك سانالاتىنىنا نازار اۋداردى.
– بٸرٸنشٸدەن, بۇل – كٶپتەن كٷتكەن, ياعني, 32 جىلدان كەيٸن قول جەتكٸزگەن تاريحي جٷلدە. ەكٸنشٸدەن, بۇل – مەنەرلەپ سىرعاناۋدان ەل قورجىنىنا تٷسكەن العاشقى وليمپيادا التىنى. ٷشٸنشٸدەن, كٷللٸ ەلەم ەلٸمٸزدە ەيگٸلٸ سپورتشى دەنيس تەننٸڭ جولىن جالعاستىراتىن دارىندى جاستاردىڭ بار ەكەنٸنە كۋە بولدى. ميحايل شايدوروۆتىڭ وليمپيادادا كٶرسەتكەن كەرەمەت ٶنەرٸ, سٶزسٸز, تاريحي جەتٸستٸك, ناعىز تريۋمف. كورتينا د’امپەتستسو مۇز ايدىنىندا وتانداسىمىزدىڭ جۇلدىزى جارقىرادى. بۇل – وليمپيادا چەمپيونىنىڭ ٶزٸن-ٶزٸ شىڭداپ, ٶز كٷشٸنە سەنگەنٸنٸڭ, مەنەرلەپ سىرعاناۋ سيياقتى اسا قيىن سپورت تٷرٸنە دەگەن ەرەكشە ماحابباتىنىڭ جەمٸسٸ, – دەدٸ پرەزيدەنت.
پرەزيدەنت وليمپيادا چەمپيونىنىڭ ەكەسٸ ەرٸ العاشقى باپكەرٸ ستانيسلاۆ شايدوروۆتىڭ ەڭبەگٸنە ايرىقشا توقتالدى.
– ستانيسلاۆ الەكساندروۆيچ – مەنەرلەپ سىرعاناۋدان قازاقستاننىڭ بٸرنەشە دٷركٸن چەمپيونى. ەكەسٸ, تۇڭعىش باپكەرٸ رەتٸندە ميحايلدىڭ مۇز ايدىنىنداعى العاشقى قادامىن جاساۋعا كٶمەكتەسٸپ, ٶمٸردٸڭ ەڭ قيىن سەتتەرٸندە ەردايىم ۇلىنىڭ جانىندا بولعان ادام. مەملەكەت باسشىسى رەتٸندە قازاقستان رەسپۋبليكاسىنىڭ كٶك تۋىن ەلەمنٸڭ باستى سپورت ارەناسىندا بيٸك جەلبٸرەتكەن وسىنداي ۇلدى, وتانشىل ازاماتتى تەربيەلەگەنٸڭٸز ٷشٸن سٸزگە شىن جٷرەكتەن العىس ايتامىن. باسپاسٶز بەتٸندەگٸ سۇحباتىڭىزدى وقىپ شىقتىم. ميحايلدان مەيٸرٸمٸڭٸزدٸ اياماي, تالانتتى پەرزەنتٸڭٸزدٸڭ سپورتتاعى ەرەكشە ميسسيياسىنا تيتتەي دە كٷمەن كەلتٸرمەي, ەكەلٸك پارىزىڭىزدى ادال ەرٸ لايىقتى اتقاردىڭىز. بيٸك شىڭعا اپارار بۇرالاڭ جولدان بٸرگە ٶتتٸڭٸزدەر. ەندٸ سول تابان اقى, ماڭداي تەردٸڭ جەمٸسٸن كٶرٸپ, قۇرمەت پەن قوشەمەتكە بٶلەنٸپ جاتسىزدار. بٷگٸندە حالقىمىز سٸزدەردٸ ارداق تۇتادى. وتانشىلدىقتىڭ ناعىز ٷلگٸسٸن كٶرسەتكەندەرٸڭٸز ٷشٸن ەلٸمٸز سٸزدەرگە ريزاشىلىعىن بٸلدٸرەدٸ. جۇرتشىلىقتىڭ العاۋسىز العىسى مەن قۇرمەتٸنە مەن دە قوسىلامىن, – دەدٸ قاسىم-جومارت توقاەۆ.
فوتو: اقوردا
قاسىم-جومارت توقاەۆ چەمپيوننىڭ باپكەرٸ, ەيگٸلٸ سپورتشى, 1994 جىلعى وليمپيادا جەڭٸمپازى, ەلەم چەمپيونى الەكسەي ۋرمانوۆقا ىستىق ىقىلاسىن بٸلدٸردٸ.
– مەنەرلەپ سىرعاناۋ سپورتىنداعى بٸلٸكتٸ مامان رەتٸندە ەرەن جەتٸستٸكتەرٸڭٸزدٸ جالعايتىن لايىقتى ٸزباسار دايىندادىڭىز. سول ٷشٸن سٸزگە زور العىس ايتامىن. وسىناۋ تاماشا تابىسقا سالالىق مينيسترلٸك, فەدەراتسييا, سونداي-اق اتاقتى بوكسشىمىز, جاقىندا ەسٸمٸ دٷنيەجٷزٸلٸك بوكس داڭقى زالىنا جازىلعان گەنناديي گولوۆكين باسقاراتىن ۇلتتىق وليمپيادا كوميتەتٸ ەلەۋلٸ ٷلەس قوستى. وتانداستارىمىز سپورتتىق بەسەكەنٸڭ قيىندىقتارىن, ەسٸرەسە, ەركٸن باعدارلامادان كەيٸنگٸ ميحايلدىڭ كٷردەلٸ جاعدايىن تەبٸرەنٸسپەن باقىلاپ وتىردى. بٸراق ول تەۋەكەلگە بارىپ, جەر-جاھاننىڭ باستى بايراقتى بەسەكەسٸندەگٸ جەڭٸستٸ جۇلىپ الدى. بۇل دا كەزدەيسوق ەمەس. ٶزٸنە بەرٸلگەن جالعىز مٷمكٸندٸكتٸ ەكٸنٸڭ بٸرٸ سەتتٸ پايدالانا المايدى. ەدەتتە جارىسقا تٷسكەندە «باق شابا ما, باپ شابا ما» دەپ جاتادى. بٸراق «ەڭبەك – بەرٸن دە جەڭبەك» دەگەن ۇلاعاتتى دا ۇمىتپايىق. ميحايلدىڭ جەڭٸسٸ مىڭداعان جاستارىمىزدى سپورتپەن شۇعىلدانۋعا جٸگەرلەندٸردٸ. ەڭبەك ەتسەڭ, ەرٸك-جٸگەرٸڭ مۇقالماي, باتىل ەرەكەت قىلساڭ, كەز كەلگەن, تٸپتٸ قول جەتپەستەي كٶرٸنەتٸن ارماننىڭ ٶزٸ ورىندالاتىنىنا سەنٸمٸن كٷشەيتتٸ. بٷگٸندە ەلٸمٸزدەگٸ مىڭداعان ۇل-قىز ميحايل شايدوروۆقا قىزىعا قاراپ, ەلٸكتەيدٸ, داڭقتى سپورتشى بولعىسى كەلەدٸ. دەمەك ەلٸمٸزدٸڭ ۇلاندارى ەلەمدٸك سپورتتىڭ بيٸگٸندە جارقىراي كٶرٸنەتٸن كٷن الدا. بارشا وليمپيادا چەمپيوندارىنىڭ اتى ەلەم سپورتىنىڭ جىلناماسىنا جازىلادى, ولاردىڭ جەتٸستٸكتەرٸ لوزانناداعى حالىقارالىق وليمپيادا كوميتەتٸنٸڭ مۋزەيٸندە تٸركەلەدٸ. ەندٸ تٷرلٸ ەلدٸڭ تۋريستەرٸ ميحايل شايدوروۆتىڭ 2026 جىلعى وليمپياداداعى تاماشا جەڭٸسٸ تۋرالى بٸلەتٸن بولادى, – دەدٸ مەملەكەت باسشىسى.
قاسىم-جومارت توقاەۆ مەملەكەت تاراپىنان بۇقارالىق جەنە كەسٸبي سپورتتىڭ دامۋىنا قولايلى جاعداي جاسالاتىنىن ايتتى. بۇل – مەملەكەتتٸك ساياساتتىڭ باسىم باعىتى.
– وليمپياداداعى نەتيجە ەرقاشان ەل دامۋىنىڭ ماڭىزدى كٶرسەتكٸشتەرٸنٸڭ بٸرٸ سانالعان, الداعى ۋاقىتتا دا سولاي بولا بەرمەك. قازاقستان وسى جارىستارعا قاتىسقان سپورتشىلاردىڭ سانى جاعىنان 25-ورىنعا تابان تٸرەدٸ. بٸز الدىنا ماقسات قويعان ەر ەڭبەكقور جان ٶزٸنٸڭ قابٸلەت-قارىمىن كٶرسەتە الاتىن, سونىڭ ٸشٸندە سپورتتا كٶزدەگەن بيٸگٸنە جەتۋٸ ٷشٸن مول مٷمكٸندٸككە جول اشاتىن ەدٸلەتتٸ قازاقستاندى قۇرىپ جاتىرمىز. ادال بەسەكە, مەريتوكراتييا, تەرتٸپ پەن جاۋاپكەرشٸلٸك, بۇل – ٷلكەن سپورتتىڭ دا, كەز كەلگەن قۋاتتى مەملەكەتتٸڭ دە دٸڭگەگٸ. ۇلتتىڭ جاسامپازدىق قۋاتىن ارتتىرۋ رەسپۋبليكالىق رەفەرەندۋمعا شىعارىلعان جاڭا حالىقتىق كونستيتۋتسييا جوباسىنىڭ نەگٸزگٸ مازمۇندىق ٶزەگٸ بولىپ وتىر. اتا زاڭداعى ەدٸلدٸك, تەرتٸپكە باعىنۋ, تابيعاتتى ايالاۋ, وتانشىلدىق قاعيداتتارى مەملەكەت ٸرگەسٸن بەكەمدەپ, ٶركەندەۋدٸڭ قوزعاۋشى كٷشٸنە اينالادى, – دەدٸ مەملەكەت باسشىسى.
پرەزيدەنتتٸڭ پٸكٸرٸنشە, مەملەكەتتەردٸڭ دامۋى دا ٷلكەن سپورتقا ۇقساس: كٸم الدىنا بيٸك ماقسات قويادى, تاباندى ەڭبەك ەتەدٸ, بٸرلەسٸپ جۇمىس ٸستەيدٸ, سول جەتٸستٸككە جەتەدٸ.
– بٷگٸن بٸز جەڭٸسكە جەتۋگە بار كٷش-جٸگەرٸن جۇمساپ, جەكە رەكوردتارىن جاڭارتقان ميحايل مەن ۇلتتىق قۇراما مٷشەلەرٸن قۇتتىقتايمىز. كەيبٸر سپورتشىلارىمىز وسىنداي اۋقىمداعى جارىسقا العاش رەت قاتىسسا دا, ولار لايىقتى ٶنەر كٶرسەتتٸ. كٶپتەگەن سپورتشىمىز ٶزدەرٸ سىنعا تٷسكەن سايىستا ٷزدٸك وندىققا ەندٸ. بۇل بولاشاقتاعى تابىستارعا جول اشادى. ازاماتتارىمىزدىڭ حالىقارالىق دەڭگەيدەگٸ جەتٸستٸكتەرٸ, مەيلٸ, ول سپورتتا نەمەسە وقۋشىلار مەن ستۋدەنتتەر وليمپياداسىندا, ٶنەردە, تٸپتٸ باسقا سالالاردا بولسىن, ەلٸمٸزدٸڭ ٶركەندەپ كەلە جاتقانىن كٶرسەتەدٸ. تاياۋدا ميلان مەن كورتينادا قىسقى پاراليمپيادا ويىندارى باستالادى. سپورتشىلارىمىزعا سەتتٸلٸك تٸلەيمٸن, – دەدٸ قاسىم-جومارت توقاەۆ.
مەملەكەت باسشىسى سٶزٸن قورىتىندىلاي كەلە, ەكٸ جىلدان كەيٸن اتلەتتەرٸمٸز لوس-اندجەلەستە ٶتەتٸن جازعى وليمپيادا ويىندارىنا قاتىساتىنىن ەسكە سالدى.
– تۋريزم جەنە سپورت مينيسترلٸگٸ, ۇلتتىق وليمپيادا كوميتەتٸ, فەدەراتسييالار بٸرلەسە جۇمىس اتقارىپ, قۇراما مٷشەلەرٸن جان-جاقتى قولداۋعا تيٸس. 2029 جىلى الماتى قالاسىندا ٶتەتٸن قىسقى ازييا ويىندارىنا ەرەكشە نازار اۋدارۋ قاجەت. ويىندار ەڭ جوعارى دەڭگەيدە ۇيىمداستىرىلۋى كەرەك. بۇل – قازاقستانداعى سپورتتىڭ دامۋىنا تىڭ سەرپٸن بەرٸپ, ەكونوميكا مەن تۋريزم سالالارىنا وڭ ىقپال ەتەتٸن ٶتە ماڭىزدى ٸس-شارا, – دەدٸ قاسىم-جومارت توقاەۆ.
فوتو: اقوردا
پرەزيدەنت XXV قىسقى وليمپيادا ويىندارىنداعى جەتٸستٸكتەرٸ ٷشٸن ميحايل شايدوروۆتى ٸٸ دەرەجەلٸ «بارىس» وردەنٸمەن, باپكەرٸ, جاتتىقتىرۋشى-كەڭەسشٸ الەكسەي ۋرمانوۆتى ٸٸ دەرەجەلٸ «دوستىق» وردەنٸمەن ماراپاتتادى.
«قۇرمەت» وردەنٸ قازاقستان رەسپۋبليكاسىنىڭ مەنەرلەپ سىرعاناۋدان ۇلتتىق قۇراما كومانداسىنىڭ باس جاتتىقتىرۋشىسى ەسەم قاسانوۆاعا, مەنەرلەپ سىرعاناۋدان جاتتىقتىرۋشى ستانيسلاۆ شايدوروۆقا, قازاقستاندىق كونكيمەن مەنەرلەپ سىرعاناۋ وداعىنىڭ پرەزيدەنتٸ باۋىرجان ەرالىعا تابىستالدى.
وليمپيادا چەمپيونى ميحايل شايدوروۆ كٶرسەتكەن قولداۋى ٷشٸن قاسىم-جومارت توقاەۆقا جەنە بارشا وتانداسىمىزعا ريزاشىلىعىن بٸلدٸردٸ.
– قۇرمەتتٸ قاسىم-جومارت كەمەلۇلى! بۇل كەزدەسۋگە وليمپيادا چەمپيونى رەتٸندە قاتىسۋ – مەن ٷشٸن زور مەرتەبە. التىن مەدال – مەنٸڭ عانا ەمەس, اتا-انامنىڭ, باپكەرلەرٸمنٸڭ جەنە مەن ٷشٸن الاڭداپ, قولداۋ كٶرسەتكەن بارشا قازاقستاندىقتىڭ جەڭٸسٸ. بۇل ايانباي تەر تٶگٸپ جۇمىس ٸستەسەڭ, جاقىن جانداردىڭ ماحابباتى مەن سەنٸمٸ بولسا, ارمانداردىڭ ورىندالاتىنىن كٶرسەتەدٸ. پرەزيدەنت مىرزا, سٸزدٸڭ قولداۋىڭىزدىڭ ارقاسىندا سپورتشىلار ٷلكەن جەتٸستٸكتەرگە, جاڭا تاريحي رەكوردتارعا قول جەتكٸزٸپ جٷر. مەن وليمپيادا التىنىمەن شەكتەلمەيمٸن. الدىمدا ۇزاق جول بار. ەلٸمنٸڭ سەنٸمٸن اقتاپ, جاس ۇرپاققا ٷلگٸ بولىپ, حالقىمىزدىڭ مەرەيٸن ٷستەم ەتكٸم كەلەدٸ. راحمەت سٸزگە! سٷيٸكتٸ وتانىما, قازاقستانىما قىزمەت ەتەمٸن, – دەدٸ ميحايل شايدوروۆ.
