مەملەكەت باسشىسى قاسىم-جومارت توقاەۆ شۆەيتسارييا پرەزيدەنتٸ گي پارمەلانمەن كەلٸسسٶز جٷرگٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
جەنەۆا قالاسىنداعى ەۋليە پەتردٸڭ كافەدرالدى سوبورىنىڭ الدىندا ٶتكەن رەسمي كەزدەسۋدەن كەيٸن ەكٸ ەلدٸڭ باسشىلارى كەلٸسسٶز جٷرگٸزدٸ.
قاسىم-جومارت توقاەۆ پەن گي پارمەلان بٸر-بٸرٸنە رەسمي دەلەگاتسييالاردىڭ مٷشەلەرٸن تانىستىردى. سودان كەيٸن ەكٸ ەلدٸڭ ەنۇراندارى شىرقالدى. پرەزيدەنتتەر شۆەيتسارييانىڭ تۋىنا قۇرمەت كٶرسەتٸپ, قۇرمەت قاراۋىلىن بويلاي ٶتتٸ.
سالتاناتتى رەسٸمنەن كەيٸن مەملەكەتتەر باسشىلارى شاعىن جەنە كەڭەيتٸلگەن قۇرامدا كەزدەسۋلەر ٶتكٸزدٸ.
ٶزارا سەنٸم جاعدايىندا ٶتكەن كەزدەسۋدە مەملەكەتتەر باسشىلارى قازاقستان مەن شۆەيتسارييا اراسىنداعى ساياسي, ساۋدا-ەكونوميكالىق, ينۆەستيتسييالىق, قارجى سالالارىنداعى كٶپجوسپارلى ىنتىماقتاستىقتىڭ احۋالى مەن پەرسپەكتيۆالارىن جان-جاقتى تالقىلادى.
بۇدان بٶلەك ەكٸ ەل باسشىلارى برەتتون-ۆۋد ينستيتۋتتارى, حالىقارالىق ۇيىمدار اياسىنداعى ٶزارا ىقپالداستىقتى قاراستىرىپ, ايماقتىق كٷن تەرتٸبٸندەگٸ مەسەلەلەردٸ, ونىڭ ٸشٸندە اۋعانستانداعى جاعداي مەن وسى ەلگە گۋمانيتارلىق كٶمەك كٶرسەتۋ مەسەلەسٸن سٶز ەتتٸ.
سونىمەن قاتار پاندەميياعا جەنە كليماتتىڭ ٶزگەرۋٸنە قارسى كٷرەسكە, ورتالىق ازيياداعى سۋ ديپلوماتيياسىنا قاتىستى ٶزەكتٸ مەسەلەلەر جٶنٸندە پٸكٸر الماستى. قاسىم-جومارت توقاەۆ پەن گي پارمەلان ساياسي جەنە ەكونوميكالىق بايلانىستاردىڭ وڭ قارقىنىن اتاپ ٶتٸپ, ەكٸجاقتى بايلانىستاردىڭ بارلىق باعىتى بويىنشا ٶزارا تيٸمدٸ ىنتىماقتاستىقتى ودان ەرٸ دامىتۋعا مٷددەلٸ ەكەندەرٸن بٸلدٸردٸ. مەملەكەت باسشىسى شۆەيتسارييامەن جان-جاقتى قاتىناستاردى دامىتۋعا باسا مەن بەرەتٸنٸن جەنە وسى ەلدٸ قازاقستاننىڭ ەۋروپاداعى ماڭىزدى ساياسي ەرٸ ەكونوميكالىق ەرٸپتەسٸ سانايتىنىن ايتتى.
سونىمەن قاتار قاسىم-جومارت توقاەۆ گي پارمەلانعا قازاقستاندا جٷرگٸزٸلٸپ جاتقان اۋقىمدى ساياسي جەنە ەكونوميكالىق رەفورمالار جٶنٸندە ايتتى. ەكٸ ەل باسشىلارى اۋىل شارۋاشىلىعى, كٶلٸك جەنە لوگيستيكا, ماشينا جاساۋ, فارماتسەۆتيكالىق ٶنەركەسٸپ جەنە «جاسىل» جوبالار سالارىنداعى بٸرلەسكەن جۇمىستار ٷشٸن زور ەلەۋەت بار ەكەنٸن ايتتى.
كەلٸسسٶز قورىتىندىسى بويىنشا مەملەكەتتەر باسشىلارىنىڭ قاتىسۋىمەن بٸرقاتار ٷكٸمەتارالىق جەنە كوممەرتسييالىق كەلٸسٸمگە قول قويىلدى.
1. قازاقستان رەسپۋبليكاسىنىڭ ٷكٸمەتٸ مەن شۆەيتسارييا كونفەدەراتسيياسى فەدەرالدىق كەڭەسٸ اراسىنداعى باعالى مەتالداردان جاسالعان بۇيىمدارداعى سىنامالىق تاڭبانى ٶزارا مويىنداۋ جٶنٸندەگٸ كەلٸسٸم;
2. 1994 جىلعى 12 مامىردا الماتى قالاسىندا قازاقستان رەسپۋبليكاسىنىڭ ٷكٸمەتٸ مەن شۆەيتسارييا فەدەرالدىق كەڭەسٸ اراسىندا قول قويىلعان ساۋدا-ەكونوميكالىق ىنتىماقتاستىق جٶنٸندەگٸ كەلٸسٸم حاتتاماسى (ساۋدا قىزمەتتەرٸن ٸشكٸ رەتتەۋ قاعيدالارى);
3. «قازاقستان تەمٸر جولى» ۇك» اق مەن «Stadler CIS AG» كومپانيياسى اراسىنداعى ستراتەگييالىق ىنتىماقتاستىق جٶنٸندەگٸ كەلٸسٸم.
