فوتو: اقوردا
مەملەكەت باسشىسى رۋاندا پرەزيدەنتٸ پول كاگامەنٸڭ قازاقستانعا 2015 جىلى جاساعان ساپارىنان كەيٸن ەكٸ ەلدٸڭ ٶزارا قۇرمەتكە نەگٸزدەلگەن, ىنتىماقتاستىق پەن ورنىقتى دامۋدى كٶزدەيتٸن قارىم-قاتىناسى ايتارلىقتاي تابىسقا جەتكەنٸن اتاپ ٶتتٸ, دەپ حابارلايدى Ult.kz.
پرەزيدەنت قازاقستاننىڭ افريكا مەملەكەتتەرٸمەن بايلانىستى كەڭەيتۋگە ەرەكشە مەن بەرەتٸنە نازار اۋداردى.
"سٸزدٸڭ كٶرەگەن كٶشباسشىلىعىڭىزبەن رۋاندا دامۋ داڭعىلىنا تٷسٸپ, ينستيتۋتسيونالدى ورنىقتىلىق پەن بولاشاققا باعدارلانعان جاڭاشىلدىقتىڭ ٷلگٸسٸن كٶرسەتتٸ. ەلٸڭٸزدٸڭ ەكونوميكالىق ٶسٸمٸ 8 پايىزدان استى. بۇل – جاڭعىرتۋدىڭ جارقىن كٶرٸنٸسٸ. وسى ورايدا سٸزدٸڭ ەلٸڭٸزبەن ىنتىماقتاستىقتى دامىتۋعا ايرىقشا مەن بەرەمٸز. قازاقستان ەكٸجاقتى تيٸمدٸ بايلانىستاردى ناقتى جوبالار ارقىلى ٸلگەرٸلەتۋگە دايىن. سٸزدٸڭ ساپارىڭىز بارىسىندا قول جەتكٸزٸلگەن ۋاعدالاستىقتار قازاقستان مەن رۋاندا اراسىنداعى قارىم-قاتىناستى جاڭا دەڭگەيگە كٶتەرەتٸنٸنە سەنٸمدٸمٸن", – دەدٸ قاسىم-جومارت توقاەۆ.
پول كاگامە كٶرسەتٸلگەن سىي-قۇرمەت ٷشٸن ريزاشىلىعىن بٸلدٸرٸپ, قازاقستاننىڭ ەكٸجاقتى ىقپالداستىقتى دامىتۋداعى كٷش-جٸگەرٸنە جوعارى باعا بەردٸ. سونداي-اق رۋاندا مەن قازاقستان اراسىنداعى سەرٸكتەستٸكتٸڭ ەلەۋەتٸنە توقتالىپ, ەكٸ ەلدٸڭ ٶركەندەۋٸنە جەنە ستراتەگييالىق ديالوگتىڭ نىعايۋىنا ىقپال ەتەتٸن بٸرلەسكەن جوبالاردى جٷزەگە اسىرۋعا دايىن ەكەنٸن جەتكٸزدٸ.
"استاناعا ەكٸنشٸ مەرتە جولىم تٷسكەنٸنە قۋانىشتىمىن. قازاقستان ۇلتتىق دامۋ جولىندا تولايىم تابىسقا جەتٸپ, سونىڭ ارقاسىندا حالىقارالىق ارەناداعى رٶلٸ ارتىپ كەلەدٸ. بٸز ٶزٸڭٸزبەن جەنە سٸزدٸڭ ەلٸڭٸزبەن سەرٸكتەس ەرٸ دوستاس بولعانىمىزعا ريزامىز", – دەدٸ رۋاندا پرەزيدەنتٸ.
مەملەكەتتەر باسشىلارى ەكٸجاقتى ىقپالداستىقتىڭ باسىم باعىتتارىن, سونىڭ ٸشٸندە ساۋدا, ينۆەستيتسييا, كٶلٸك, اۋىل شارۋاشىلىعى, اقپاراتتىق تەحنولوگييا, ەلەكتروندىق ٷكٸمەت جەنە قارجى سالالارىنداعى بايلانىستاردى دامىتۋعا ۋاعدالاستى.
