مەملەكەت باسشىسى ٶزبەكستان پرەزيدەنتٸمەن شاعىن قۇرامدا كەلٸسسٶز ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
اقوردا رەزيدەنتسيياسىندا قازاقستان استاناسىنا مەملەكەتتٸك ساپارمەن كەلگەن ٶزبەكستان پرەزيدەنتٸ شاۆكات ميرزييوەۆتٸ سالتاناتتى قارسى الۋ رەسٸمٸ ٶتتٸ. قۇرمەت قاراۋىلى روتاسىنىڭ باستىعى مەملەكەت باسشىلارىنا راپورت بەرگەننەن كەيٸن ەكٸ ەلدٸڭ ەنۇراندارى ورىندالدى. بۇدان كەيٸن قاسىم-جومارت توقاەۆ پەن شاۆكات ميرزييوەۆ شىعىس زالىندا شاعىن قۇرامدا كەلٸسسٶز ٶتكٸزدٸ.
قازاقستان مەن ٶزبەكستان باسشىلارى ەكٸجاقتى ستراتەگييالىق سەرٸكتەستٸكتٸڭ كەڭ اۋقىمدى مەسەلەلەرٸن تالقىلادى. اتاپ ايتقاندا ساياسي, ساۋدا-ەكونوميكالىق, ينۆەستيتسييالىق, كٶلٸك ترانزيتتٸك, مەدەني-گۋمانيتارلىق ىنتىماقتاستىق سيياقتى نەگٸزگٸ اسپەكتٸلەر قاراستىرىلدى. سونداي-اق ايماقتاعى, سونىڭ ٸشٸندە, قاۋٸپسٸزدٸكتٸ قامتاماسىز ەتۋ جەنە كٶپجاقتى قۇرىلىمدار اياسىنداعى ٶزارا ٸس-قيمىل مەسەلەلەرٸ سٶز بولدى.
قاسىم-جومارت توقاەۆ قازاق-ٶزبەك ىنتىماقتاستىعىن جاڭا دەڭگەيگە كٶتەرۋ تۇرعىسىنان, شاۆكات ميرزييوەۆتٸڭ قازاق جەرٸندە ٶتٸپ جاتقان مەملەكەتتٸك ساپارىنىڭ ماڭىزدى ەكەنٸن اتاپ ٶتتٸ.
– بٸز بٷگٸن وداقتاستىق قاتىناستار تۋرالى دەكلاراتسيياعا قول قويامىز. بۇعان دەيٸن ستراتەگييالىق سەرٸكتەستٸك قاعيدالارىنا سٷيەنٸپ كەلگەن بولساق, الداعى ۋاقىتتا بٸزدٸڭ ٶزارا قارىم-قاتىناستارىمىز شىن مەنٸندەگٸ جاڭا دەڭگەيگە كٶتەرٸلەدٸ. سوندىقتان بٷگٸن قول قويىلاتىن قۇجاتتار ەلدەرٸمٸزدٸڭ اراسىنداعى ىنتىماقتاستىققا تىڭ سەرپٸن بەرەدٸ دەپ ەسەپتەيمٸن. بٸز ٷكٸمەتتەرٸمٸزگە جاقىن ارادا ساۋدا كٶلەمٸن 5 ميلليارد دوللارعا, كەيٸنٸرەك 10 ميلليارد دوللارعا دەيٸن جەتكٸزۋ تۋرالى تاپسىرما بەرۋگە ۋاعدالاستىق. بۇل - ٶتە جوعارى دەڭگەي, – دەدٸ مەملەكەت باسشىسى.
قازاقستان پرەزيدەنتٸ ايماقتاعى تۇراقتىلىق پەن قاۋٸپسٸزدٸكتٸ قامتاماسىز ەتۋ ٸسٸندەگٸ ەكٸ مەملەكەتتٸڭ رٶلٸ تۋرالى ايتتى.
– ەلدەرٸمٸز اراسىنداعى وداقتاستىق, ستراتەگييالىق قارىم-قاتىناستار – ورتالىق ازييا ايماعىنداعى تۇراقتىلىق پەن قاۋٸپسٸزدٸكتٸ قامتاماسىز ەتۋدٸڭ ماڭىزدى فاكتورى. بۇل - ەشقانداي ارتىق ايتقاندىق ەمەس. ەكٸ ەل اراسىنداعى بايلانىستار قانشالىقتى تىعىز بولسا, بٸزدٸڭ ماڭىزدى ايماقتاعى احۋال دا سونشالىقتى تۇراقتى بولادى, – دەدٸ قاسىم-جومارت توقاەۆ.
شاۆكات ميرزييوەۆ قازاق جەرٸندە كٶرسەتٸلگەن دەستٷرلٸ قوناقجايلىق ٷشٸن ريزاشىلىعىن بٸلدٸرٸپ, ٶزٸنٸڭ جەنە ٶزبەك حالقىنىڭ اتىنان قاسىم-جومارت توقاەۆتى جەنە قازاقستان حالقىن تەۋەلسٸزدٸكتٸڭ 30 جىلدىق مەرەيتويىمەن قۇتتىقتادى.
ٶزبەكستان باسشىسى قازاقستان پرەزيدەنتٸنٸڭ باسشىلىعىمەن ەلٸمٸزدٸڭ جەتكەن جەتٸستٸكتەرٸن جوعارى باعالادى. سونداي-اق ول ەكٸجاقتى قاتىناستاردىڭ دامۋىنا ەلباسى نۇرسۇلتان نازارباەۆتىڭ زور ٷلەس قوسقانىن اتاپ ٶتتٸ.
ٶزبەكستان پرەزيدەنتٸ ٶزٸنٸڭ مەملەكەتتٸك ساپارى قازاقستان تەۋەلسٸزدٸگٸنٸڭ 30 جىلدىعى قارساڭىندا ٶتٸپ جاتقانىنىڭ سيمۆولدىق مەنٸ بار ەكەنٸن ايتتى. ول ەكٸ ەل حالىقتارىنىڭ اراسىنداعى عاسىرلار بويى قالىپتاسقان دوستىق قارىم-قاتىناستار مەملەكەتارالىق بايلانىستاردى نىعايتۋعا زور سەپتٸگٸن تيگٸزەتٸنٸنە سەنٸم بٸلدٸردٸ. سونداي-اق ەكٸ ەل ٷكٸمەتتەرٸنٸڭ وسى ساپار قارساڭىندا اتقارعان نەتيجەلٸ جۇمىستارىن اتاپ ٶتتٸ.
