مەملەكەت باسشىسى قاسىم-جومارت توقاەۆ قاڭتار وقيعاسى كەزٸندە قايتىس بولعان ازاماتتاردىڭ رۋحىنا مەشٸتتە قۇران باعىشتاعاننان كەيٸن حالىققا ٷندەۋ جاسادى, دەپ حابارلايدى "ۇلت اقپارات" اقورداعا سٸلتەمە جاساپ.
***
ارداقتى اعايىن!
بيىلعى جىل ەلٸمٸز ٷشٸن قايعىلى وقيعادان باستالدى. حالقىمىز ٶتە قيىن سىناقتى باستان ٶتكەردٸ. مەملەكەتٸمٸزدٸڭ تۇتاستىعىنا, ازاماتتارىمىزدىڭ قاۋٸپسٸزدٸگٸنە, ەلٸمٸزدٸڭ بولاشاعىنا قاۋٸپ تٶندٸ. بٸز لاڭكەستەرگە دەر كەزٸندە تويتارىس بەرٸپ, بەتٸن قايتاردىق. ٶكٸنٸشكە قاراي, دٷربەلەڭدە كٶپتەگەن ازاماتىمىز قازا تاپتى. بۇل – ناعىز قاسٸرەت.
قازٸرگٸ تاڭدا تيٸستٸ مەكەمەلەر ازاماتتاردىڭ ەربٸر ٸسٸ بويىنشا تەرگەۋ جۇمىستارىن جٷرگٸزٸپ جاتىر. ادام قۇقىعىن قورعاۋ مەسەلەسٸ مەن ٷشٸن اسا ماڭىزدى. قايعىلى جاعداي بٷكٸل ەلدٸڭ قابىرعاسىن قايىستىردى. وسىعان بايلانىستى جالپىۇلتتىق ازا تۇتۋ كٷنٸن جارييالادىق.
سول قاسٸرەتتٸ وقيعادان بەرٸ 40 كٷن ٶتتٸ. بٷگٸن مارقۇمداردىڭ رۋحىنا قۇران باعىشتاۋ ٷشٸن مەشٸتكە ارنايى كەلدٸم. قازا بولعان ادامداردىڭ جاقىندارىنا تاعى دا كٶڭٸل ايتامىن.
مەملەكەت قارالى شاڭىراقتاردى قاراۋسىز قالدىرمايدى. مەن قايتىس بولعان ازاماتتاردىڭ وتباسىلارىنا قارجىلاي كٶمەك كٶرسەتۋدٸ تاپسىردىم. «قازاقستان حالقىنا» قورى دا وسى قايىرىمدىلىق جۇمىسقا اتسالىسادى دەپ ويلايمىن.
ەندٸ حالقىمىزدىڭ بەرەكە-بٸرلٸگٸ مەن تىنىشتىعىن بۇزۋعا جول بەرمەيمٸز. بۇل – بيلٸكتٸڭ عانا ەمەس, بارشا ازاماتتارىمىزدىڭ ورتاق بورىشى. مۇنداي قاسٸرەت ەشقاشان بولماسىن! قازاقستان حالقىنا سابىر تٸلەيمٸن!
بەرٸمٸز تۇتاس ەل بولىپ, جاڭا قازاقستاندى قۇرايىق! جاڭا قازاقستان – بارشامىزدىڭ ورتاق ٷيٸمٸز, ونىڭ ٸرگەسٸن بٸرگە قالايىق! بۇل ٶسكەلەڭ ۇرپاق ٷشٸن كەرەك.
ەلٸمٸز امان, جۇرتىمىز تىنىش بولسىن!
