فوتو: اقوردا
كەزدەسۋ بارىسىندا پرەزيدەنت قاسىم-جومارت توقاەۆ بەيتاراپ ماندات نەگٸزٸندە ەرەكەت ەتەتٸن حالىقارالىق قىزىل كرەست كوميتەتٸنٸڭ بٸرەگەي سيپاتىنا توقتالىپ, گۋمانيتارلىق كٶمەكتٸ ساياسيلاندىرۋعا بولمايتىنىن اتاپ ٶتتٸ, دەپ حابارلايدى Ult.kz.
– حالىقارالىق قىزىل كرەست كوميتەتٸ دٷنيە جٷزٸندەگٸ گۋمانيتارلىق ىنتىماقتاستىق جٷيەسٸندە اسا ماڭىزدى رٶل اتقارادى. حالىقارالىق قۇقىق نورمالارىن نىعايتۋعا قوسقان ٷلەسٸڭٸزدٸ جوعارى باعالايمىز. سٸز باسقاراتىن ۇيىم مەن باسقا دا حالىقارالىق بەدەلدٸ قۇرىلىمدار بارشاعا ورتاق ادامزات قۇندىلىقتارىن ناسيحاتتاۋعا ەلەۋلٸ ٷلەس قوسىپ كەلەدٸ. ەسٸرەسە, بۇل ٸس ادامدار كٶمەككە مۇقتاج ايماقتاردا ٶتە ماڭىزدى, – دەدٸ پرەزيدەنت.
قازاقستان حالىقارالىق گۋمانيتارلىق قۇقىققا ساياسي بەيٸلدٸلٸكتٸ كٷشەيتۋ جٶنٸندەگٸ جاھاندىق باستاما كٶتەرگەن التى مەملەكەتتٸڭ بٸرٸ سانالادى.
بۇل رەتتە سوعىس كەزٸندەگٸ ادامگەرشٸلٸك تاقىرىبى بويىنشا جىل سوڭىنا قاراي يوردانييادا ٶتەتٸن جوعارى دەڭگەيدەگٸ كونفەرەنتسيياعا دايىندىق مەسەلەلەرٸ پىسىقتالدى.
ميريانا سپولياريچ حالىقارالىق قىزىل كرەست كوميتەتٸنٸڭ قىزمەتٸنە قولداۋ كٶرسەتكەنٸ ٷشٸن قازاقستان تاراپىنا ريزاشىلىعىن بٸلدٸردٸ. ونىڭ ايتۋىنشا, توقسانىنشى جىلداردان بەرٸ ەلٸمٸز بەن ۇيىم اراسىندا قالىپتاسقان سىندارلى ديالوگ دەيەكتٸ تٷردە دامىپ كەلەدٸ.
– مەملەكەتتەردٸڭ قولداۋى ٶتە ماڭىزدى. سٸز مۇنى ورىندى اتاپ ٶتتٸڭٸز. جەنەۆا كونۆەنتسيياسىنا بارشا ەل قاتىسادى. الايدا بۇل قۇجاتتىڭ ىقپالى اتالعان نورمالاردى مەملەكەتتەردٸڭ قانشالىقتى قورعاپ, قولداۋعا ەزٸرلٸگٸنە بايلانىستى, – دەدٸ حقكك باسشىسى.
قاسىم-جومارت توقاەۆ پەن ميريانا سپولياريچ حالىقارالىق جەنە گۋمانيتارلىق كٷن تەرتٸبٸندەگٸ ٶزەكتٸ مەسەلەلەردٸ تالقىلاپ, قازاقستان مەن ۇيىم اراسىنداعى سەرٸكتەستٸكتٸ ودان ەرٸ نىعايتۋعا مٷددەلٸ ەكەندەرٸن راستادى.
