فوتو: اقوردا
مەملەكەت باسشىسى قاسىم-جومارت توقاەۆ قازاقستاندىقتاردى العىس ايتۋ كٷنٸمەن قۇتتىقتاپ, بۇل مەرەكەنٸڭ حالقىمىزدىڭ ەڭ اسىل قۇندىلىقتارىن دەرٸپتەيتٸن ەرەكشە كٷن ەكەنٸن اتاپ ٶتتٸ, دەپ حابارلايدى Ult.kz.
پرەزيدەنتتٸڭ ايتۋىنشا, ٶزارا قۇرمەت, جاناشىرلىق جەنە شىنايى تٸلەۋلەستٸك – ۇلت بولمىسىنا تەن قاسيەتتەر. العىس ايتۋ دەستٷرٸ ەل ٸشٸندەگٸ سەنٸم مەن بٸرلٸكتٸ نىعايتىپ, رۋحاني تۇتاستىقتى ارتتىرۋعا قىزمەت ەتٸپ كەلەدٸ. قازٸرگٸ قۇبىلمالى كەزەڭدە بۇل قۇندىلىقتاردىڭ ماڭىزى ايرىقشا.
مەملەكەت باسشىسى ەڭ الدىمەن ەلدٸ قيىن-قىستاۋ زامانداردا ساقتاپ, ۇرپاققا باعا جەتپەس مۇرا قالدىرعان اتا-بابالارعا تاعزىم ەتتٸ. سونداي-اق ۇستازدار, دەرٸگەرلەر, مەدەنيەت قىزمەتكەرلەرٸ, كەسٸپكەرلەر, جۇمىسشىلار, قۇقىق قورعاۋ ورگاندارىنىڭ ٶكٸلدەرٸ, ٶرت سٶندٸرۋشٸلەر مەن قۇتقارۋشىلارعا جەنە ادال ەڭبەگٸمەن ەل دامۋىنا ٷلەس قوسىپ جٷرگەن بارلىق ازاماتتارعا العىس بٸلدٸردٸ.
پرەزيدەنت جاستار مەن ەرٸكتٸلەرگە ەرەكشە ريزاشىلىعىن جەتكٸزدٸ. ونىڭ سٶزٸنشە, قوعام يگٸلٸگٸ ٷشٸن ايانباي ەڭبەك ەتٸپ, مۇقتاج جاندارعا قول ۇشىن سوزىپ جٷرگەن بەلسەندٸ ازاماتتاردىڭ ەڭبەگٸ – جاسامپاز ەرٸ جاۋاپتى وتانشىلدىقتىڭ ايقىن كٶرٸنٸسٸ.
قاسىم-جومارت توقاەۆ ەلٸمٸزدٸڭ تاريحي بەتبۇرىس كەزەڭٸنە قادام باسقانىن اتاپ ٶتتٸ. رەفەرەندۋمعا ۇسىنىلعان جاڭا كونستيتۋتسييا جوباسى ادام قۇقىقتارىن قورعاۋ تەتٸكتەرٸن جەتٸلدٸرۋگە, مەملەكەتتٸك ينستيتۋتتاردىڭ جاۋاپكەرشٸلٸگٸن ارتتىرۋعا جەنە تەۋەلسٸزدٸك پەن ەگەمەندٸكتٸ نىعايتۋعا باعىتتالعانىن ايتتى.
مەملەكەت باسشىسى الداعى ٶزگەرٸستەردٸڭ تابىستى جٷزەگە اسۋى حالىقتىڭ بٸرلٸگٸنە, پاراساتتىلىعىنا جەنە سانالى ازاماتتىق ۇستانىمىنا بايلانىستى ەكەنٸن جەتكٸزدٸ. ونىڭ پٸكٸرٸنشە, زاڭ مەن تەرتٸپ قاعيدالارىن بەرٸك ۇستانىپ, ىنتىماق پەن تاتۋلىقتى ساقتاي بٸلسەك, قۋاتتى ەرٸ ەدٸلەتتٸ قازاقستاندى بٸرگە قۇرۋعا بولادى.
پرەزيدەنت بارشا قازاقستاندىقتارعا اماندىق پەن تابىس تٸلەدٸ.
