جاستارعا قاتىستى كەلەسٸ مەسەلە – جۇمىسپەن قامتۋ. بۇل, ەسٸرەسە, ٶڭٸرلەردە اسا ٶزەكتٸ. بۇل تۋرالى قر پرەزيدەنتٸ قاسىم-جومارت توقاەۆ تەۋەلسٸزدٸگٸنٸڭ 30 جىلدىعىن مەرەكەلەۋگە دايىندىق جٶنٸندەگٸ مەملەكەتتٸك كوميسسييانىڭ بٸرٸنشٸ وتىرىسىندا ايتتى, دەپ حابارلايدى «ۇلت اقپارات».
«جاستارعا قاتىستى كەلەسٸ مەسەلە – جۇمىسپەن قامتۋ. بۇل, ەسٸرەسە, ٶڭٸرلەردە اسا ٶزەكتٸ. بٸز جۇمىسسىز جاستارعا جول سٸلتەپ, باعىت-باعدار بەرۋٸمٸز كەرەك. ولاردىڭ تۇراقتى كەسٸپ تابۋىنا كٶمەكتەسۋٸمٸز قاجەت. قازٸر جۇمىسپەن قامتۋعا باعىتتالعان بٸرنەشە باعدارلاما بار. بٸراق جاستاردىڭ كٶبٸ سول شارالار تۋرالى بٸلمەيدٸ. مەملەكەت ۇسىنىپ وتىرعان تٷرلٸ قولداۋ جۇمىستارىنان حابارسىز. بۇل مەسەلە تەك جالاڭ ٷگٸت-ناسيحاتپەن شەشٸلمەيدٸ. ٷكٸمەت پەن ەكٸمدەر جاستاردى جۇمىسپەن قامتۋ مەسەلەسٸمەن ارنايى اينالىسىپ, كٷندەلٸكتٸ نازاردا ۇستاۋى قاجەت», – دەدٸ مەملەكەت باسشىسى.
قازٸر جاستار ساياساتىنا قاتىستى زاڭدارعا قاجەتتٸ تٷزەتۋلەر ەنگٸزٸلۋدە. ەندٸ جەرگٸلٸكتٸ مەملەكەتتٸك ورگانداردى باعالاۋ كٶرسەتكٸشٸنە «جاستاردىڭ دامۋ يندەكسٸ» قوسىلادى. بۇل وسى باعىتتاعى شارالاردىڭ تيٸمدٸلٸگٸن ارتتىرادى. پرەزيدەنت جاستار ساياساتىنا ارنالعان «تەۋەلسٸزدٸك ۇرپاقتارى» اتتى بٸرتۇتاس ۇلتتىق جوبا ەزٸرلەگەن جٶن ەكەنٸن اتاپ ٶتتٸ. جٷرگٸزٸلٸپ جاتقان جۇمىستاردى جٷيەلەۋ ٷشٸن ەر باعىت بويىنشا بىتىراڭقى جٷزەگە اسىرىلىپ جاتقان جوبالاردى بٸر ارناعا توعىستىرۋدى تاپسىردى. ال ونى دايىنداۋعا, ودان سوڭ تالقىلاۋعا بٷكٸل جاستار جەنە ستۋدەنتتەر ۇيىمدارىن, ازاماتتىق بەلسەندٸلەر مەن تەۋەلسٸز ساراپشىلاردى تارتۋ كەرەك.
«قازاقستان – دارىندى جاستار مەكەنٸ. ەرتەڭ ەلٸمٸزدٸڭ ابىرويىن اسىراتىن دا – وسى تالانتتى ۇل-قىزدار. بٸز ولاردىڭ ٶرٸسٸن اشىپ, قارىم-قابٸلەتٸن شىڭداۋ ٷشٸن بار مٷمكٸندٸكتٸ جاساۋعا تيٸسپٸز» – دەدٸ قاسىم-جومارت توقاەۆ.
.jpeg)