قاسىم-جومارت توقاەۆ شەيح تەميم بەن حاماد ەل-تەنيگە كاتار مەملەكەتٸ كونسۋلتاتيۆتٸك كەڭەسٸ مٷشەلەرٸن سايلاۋ تابىستى ٶتۋٸنە وراي قۇتتىقتاۋ جەدەلحاتىن جولدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"ەل تاريحىندا العاش رەت ۇيىمداستىرىلعان بۇل ساياسي دەموكراتييالىق شارا - كاتاردىڭ ەركٸن ازاماتتىق قوعام مەن زايىرلى مەملەكەت قالىپتاستىرۋ جولىنداعى جەتٸستٸكتەرٸنٸڭ ايقىن كٶرٸنٸسٸ. ەلٸڭٸزدەگٸ ادام قۇقىقتارىن قورعاۋ مەن بوستاندىقتى ٸلگەرٸلەتۋگە قاتىستى باستامالارىڭىزدىڭ بولاشاقتا دا جەمٸستٸ جٷزەگە اسۋىنا تٸلەكتەسپٸن. وسى رەتتە, شىعاناق ٶڭٸرٸندەگٸ قازاقستاننىڭ باستى سەرٸكتەستەرٸنٸڭ بٸرٸ كاتارمەن تىعىز بايلانىستارىمىزدىڭ جىلدان-جىلعا اۋقىمى ۇلعايىپ, ىقپالداستىعىمىزدىڭ ٶرٸسٸ كەڭەيٸپ كەلە جاتقانىن زور ريزاشىلىقپەن اتاپ ٶتەمٸن. بٸرلەسكەن كٷش-جٸگەرٸمٸز ەلەۋەتٸ جوعارى قارىم-قاتىناسىمىزدى حالقىمىزدىڭ يگٸلٸگٸ ٷشٸن ودان ەرٸ دامىتا تٷسەتٸنٸنە كەمٸل سەنەمٸن", – دەپ جازىلعان جەدەلحاتتا.
