مەملەكەت باسشىسى ماڭعىستاۋ وبلىسىنا جۇمىس ساپارى بارىسىندا اقتاۋ قالاسىنداعى «كاسپيي» سۋ تۇشىتۋ زاۋىتىنىڭ جۇمىسىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنتكە زاۋىتتى كەڭەيتۋ جوباسىنىڭ ورىندالۋ بارىسى تۋرالى باياندالدى. تەۋلٸگٸنە 20 مىڭ تەكشە مەتر تازا سۋ ٶندٸرەتٸن زاۋىتتىڭ قۋاتىن ەكٸ ەسەگە دەيٸن ارتتىرۋ جۇمىستارى جٷرگٸزٸلٸپ جاتىر.
وبلىس باسشىلىعىنىڭ ايتۋىنشا, قازٸردٸڭ ٶزٸندە مۇنايلى اۋدانىنىڭ ەلدٸ مەكەندەرٸ مەن قاراقييا اۋدانىنا قاراستى قۇرىق اۋىلىندا سۋ تاپشىلىعى قاتتى سەزٸلٸپ وتىر. ٶڭٸردە حالىق سانىنىڭ ارتۋىنا جەنە تۋريستٸك كلاستەردٸڭ دامۋىنا بايلانىستى «كاسپيي» سۋ تۇشىتۋ زاۋىتىنىڭ ٶنٸمدٸلٸگٸن تەۋلٸگٸنە 40 مىڭ تەكشە مەترگە دەيٸن ارتتىرۋ قاجەتتٸگٸ تۋىنداعان.
قاسىم-جومارت توقاەۆ ٶڭٸردٸ اۋىزسۋمەن قامتاماسىز ەتەتٸن كەسٸپورىننىڭ ماڭىزى زور ەكەنٸن اتاپ ٶتٸپ, زاۋىتتى جاڭعىرتۋ جۇمىسى ساپالى ورىندالاتىنىنا سەنٸم بٸلدٸردٸ.
– بۇل – ٶتە قاجەتتٸ, كەرەك جوبا. مەن بٷگٸنگٸ جيىندا ناقتى مەسەلەلەردٸ ايتتىم. مۇنداي جوبالارسىز قيىن بولادى. يزرايل, ساۋد ارابيياسى, سينگاپۋر سيياقتى تازا اۋىزسۋى جوق ەلدەر كٶپ. سوندىقتان بٸز دە مٸندەتتٸ تٷردە وزىق تەحنولوگييالاردى ەنگٸزۋٸمٸز قاجەت. ٷكٸمەتكە تاپسىرما بەرٸلدٸ. كاسپييدٸڭ دە دەڭگەيٸ تٷسٸپ بارادى. مۇنى دا ويلانۋىمىز كەرەك, – دەدٸ پرەزيدەنت.
بۇدان كەيٸن مەملەكەت باسشىسى زاۋىت جۇمىسشىلارىمەن ەڭگٸمەلەسٸپ, ولاردىڭ حالىق ٷشٸن پايدالى ٸس اتقارىپ جاتقانىن اتاپ ٶتتٸ.
