مەملەكەت باسشىسى قاسىم-جومارت توقاەۆ شىعىس قازاقستان وبلىسىنىڭ ەكٸمٸ دانيال احمەتوۆتٸ قابىلدادى, دەپ حابارلايدى اقوردا.
قاسىم-جومارت توقاەۆقا ٶڭٸردٸڭ بيىلعى ون اي ٸشٸندەگٸ ەلەۋمەتتٸك-ەكونوميكالىق دامۋى جٶنٸندە ەسەپ بەرٸلدٸ.
وبلىس ەكٸمٸنٸڭ ايتۋىنشا, حالىققا ۆاكتسينا سالۋ جۇمىستارى قارقىندى جٷرگٸزٸلٸپ جاتىر. اتاپ ايتقاندا, ۆاكتسينا الۋعا تيٸستٸ تۇرعىنداردىڭ 100 پايىزى ەكپەنٸڭ بٸرٸنشٸ كومپونەنتٸن العان, ال ەكٸنشٸ كومپونەنتٸن 7 جەلتوقسانعا دەيٸن سالۋ جوسپارلانعان.
كەزدەسۋ بارىسىندا وبلىستىڭ اۋىل شارۋاشىلىعى سالاسىن دامىتۋ مەسەلەلەرٸ تالقىلاندى. دانيال احمەتوۆتٸڭ مەلٸمەتٸ بويىنشا 2022 جىلعا قاراي اۋىل شارۋاشىلىعى ٶنٸمدەرٸنٸڭ ەكسپورتىن 4 ەسە ارتتىرۋ كٶزدەلگەن.
پرەزيدەنتكە جاقىندا اشىلعان «ٷلبٸ-تۆس» زاۋىتىنىڭ جۇمىسى تۋرالى باياندالدى. كەسٸپورىندا جىلۋ ەنەرگيياسىن الۋعا ارنالعان ينجەنەرلٸك قۇرىلىمدار شىعارىلادى جەنە 140 جاڭا جۇمىس ورنى اشىلادى. زاۋىتتا جىلىنا 200 توننا ۋران وتىنى ٶندٸرٸلەدٸ.
مەملەكەت باسشىسى وبلىس ەكٸمٸنە جىلىتۋ ماۋسىمى كەزٸندە قازاندىقتاردىڭ ٷزدٸكسٸز جۇمىس ٸستەۋٸن قاداعالاۋ, تۇرعىنداردى كٶمٸرمەن قامتاماسىز ەتۋ, سونداي-اق اۋىل شارۋاشىلىعى ٶنٸمدەرٸنٸڭ ەكسپورتىن ارتتىرۋ جۇمىستارىن جالعاستىرۋ جٶنٸندە تاپسىرما بەردٸ.
