ازاماتتاردىڭ ارىز-شاعىمدارىنا ارنالعان بٸرىڭعاي پلاتفورما ۋاقىتىلى جۇمىس ٸستەي باستاۋى تيٸس. بۇل تۋرالى بٷگٸن قر باس پروكۋراتۋراسىنىڭ باسشىلىق قۇرامىمەن كەڭەس ٶتكٸزگەن پرەزيدەنت قاسىم-جومارت توقاەۆ ايتتى, دەپ حابارلايدى "ۇلت اقپارات".
مەملەكەت باسشىسى پروكۋراتۋراعا سوتتارمەن بٸرلەسٸپ بارلىق تيٸمسٸز جۇمىس ٸستەپ تۇرعان نورمالار مەن نەگٸزسٸز اكتٸلەردٸ انىقتاۋدى تاپسىردى. ول ٷشٸن ازاماتتاردىڭ ارىز-شاعىمدارىنا ارنالعان بٸرىڭعاي پلاتفورما ۋاقىتىلى جۇمىس ٸستەي باستاۋى تيٸس.
سونىمەن قاتار قاسىم-جومارت توقاەۆ ەلٸمٸزدەگٸ كريمينوگەندٸك احۋالعا نازار اۋداردى. مەملەكەت باسشىسى كارانتيندٸك شەكتەۋلەر كەزٸندە قىلمىستىق ٸس-ەرەكەتتەردٸڭ ەدەۋٸر ازايعانىنا قاراماستان, شەكتەۋلەر جەڭٸلدەتٸلگەننەن كەيٸن, كەرٸسٸنشە, كٷش-جٸگەردٸ جۇمىلدىرا تٷسۋ قاجەت ەكەنٸن ايتتى.
«پاندەمييانىڭ ەكونوميكا مەن ەلەۋمەتتٸك سالاعا تيگٸزگەن كەرٸ ەسەرٸ قىلمىس پەن قۇقىق بۇزۋشىلىققا جول اشۋى مٷمكٸن. قۇقىق قورعاۋ ورگاندارى وسىعان دايىن بولۋعا تيٸس. ەلٸمٸزدەگٸ كٷردەلٸ احۋالدى پايدالانىپ قالۋعا تىرىساتىن قىلمىستىق توپتاردىڭ كەز كەلگەن ٸس-ەرەكەتتەرٸن بەسٸگٸندە تۇنشىقتىرۋ كەرەك», – دەدٸ پرەزيدەنت.
