فوتو: اقوردا
پرەزيدەنت عىلىمي قاۋىم الدىندا سٶيلەگەن سٶزٸندە بٷگٸندە تٷرلٸ مەملەكەتتەر اراسىندا تەحنولوگيياسى وزىق ەل بولۋ ٷشٸن قارقىندى كٷرەس جٷرٸپ جاتقانىن اتاپ ٶتتٸ, دەپ حابارلايدى Ult.kz.
– بٸز ەلٸمٸز ٶسٸپ-ٶركەندەسٸن دەسەك, ەڭ الدىمەن, تسيفرلاندىرۋ مەن جاساندى ينتەللەكتٸنٸڭ دامۋىنا باسا مەن بەرۋٸمٸز كەرەك. بۇل – مەنٸڭ پرەزيدەنت رەتٸندەگٸ ەڭ ماڭىزدى ماقساتىمنىڭ بٸرٸ. جالپى, سوڭعى ۋاقىتتا بۇل سالادا اۋقىمدى شارۋا اتقارىلدى, ەلٸ دە كٶپ جۇمىس ٸستەۋٸمٸز كەرەك. كەيٸنگٸ بەس جىلدا عىلىم سالاسىنا سالىنعان ينۆەستيتسييا كٶلەمٸ التى ەسەدەن استى. ەلٸمٸزدە زەرتتەۋ ۋنيۆەرسيتەتتەرٸ كٶبەيۋدە, ولاردىڭ ناقتى ٶندٸرٸسپەن بايلانىسى نىعايىپ جاتىر, – دەدٸ مەملەكەت باسشىسى.
پرەزيدەنت ەندٸ ەلٸمٸزدٸڭ جاڭا كونستيتۋتسيياسىنا ساي عىلىم سالاسى بۇدان دا جوعارى قارقىنمەن داميتىنىنا نازار اۋداردى.
قاسىم-جومارت توقاەۆتىڭ ايتۋىنشا, اتا زاڭىمىزدا عىلىمنىڭ ٶرٸسٸن كەڭەيتۋ نەگٸزگٸ ستراتەگييالىق باسىمدىقتىڭ بٸرٸ رەتٸندە كٶرسەتٸلٸپ وتىر.
بۇل ۋنيۆەرسيتەتتەردٸ, زەرتتەۋ ينفراقۇرىلىمىن دامىتۋ, عالىمداردىڭ جاعدايىن جاساۋ – ٷكٸمەت جۇمىسىنىڭ بٸر باعىتى عانا ەمەس, مەملەكەتتٸڭ كونستيتۋتسييالىق مٸندەتٸ رەتٸندە بەكٸتٸلدٸ دەگەن سٶز.
قازاقستاندا 420-دان استام عىلىمي-زەرتتەۋ ۇيىمى بار. وندا 27 مىڭنان اسا عالىم مەن عىلىمي قىزمەتكەر ەڭبەك ەتٸپ جٷر.
