Foto: Aqorda
Prezident ǵylymi qaýym aldynda sóilegen sózinde búginde túrli memleketter arasynda tehnologiiasy ozyq el bolý úshin qarqyndy kúres júrip jatqanyn atap ótti, dep habarlaidy Ult.kz.
– Biz elimiz ósip-órkendesin desek, eń aldymen, tsifrlandyrý men jasandy intellektiniń damýyna basa mán berýimiz kerek. Bul – meniń Prezident retindegi eń mańyzdy maqsatymnyń biri. Jalpy, sońǵy ýaqytta bul salada aýqymdy sharýa atqaryldy, áli de kóp jumys isteýimiz kerek. Keiingi bes jylda ǵylym salasyna salynǵan investitsiia kólemi alty eseden asty. Elimizde zertteý ýniversitetteri kóbeiýde, olardyń naqty óndirispen bailanysy nyǵaiyp jatyr, – dedi Memleket basshysy.
Prezident endi elimizdiń jańa Konstitýtsiiasyna sai ǵylym salasy budan da joǵary qarqynmen damitynyna nazar aýdardy.
Qasym-Jomart Toqaevtyń aitýynsha, Ata zańymyzda ǵylymnyń órisin keńeitý negizgi strategiialyq basymdyqtyń biri retinde kórsetilip otyr.
Bul ýniversitetterdi, zertteý infraqurylymyn damytý, ǵalymdardyń jaǵdaiyn jasaý – Úkimet jumysynyń bir baǵyty ǵana emes, memlekettiń konstitýtsiialyq mindeti retinde bekitildi degen sóz.
Qazaqstanda 420-dan astam ǵylymi-zertteý uiymy bar. Onda 27 myńnan asa ǵalym men ǵylymi qyzmetker eńbek etip júr.
