سۋرەت: Freepik.com
مەجٸلٸس سپيكەرٸ ەرلان قوشانوۆ حيدجابقا قاتىستى داۋعا پٸكٸر بٸلدٸردٸ, دەپ حابارلايدى Sputnik قازاقستان.
"بٸز - زايىرلى مەملەكەتپٸز. بۇل مەسەلەنٸڭ بارلىعى كونستيتۋتسييامىزدا, زاڭىمىزدا كٶرسەتٸلگەن. سونىمەن قاتار بٸزدٸڭ كونستيتۋتسييامىزدا دٸن بوستاندىعى بار. ٶزٸنٸڭ دٸني رەسٸمٸن جاسايمىن دەگەندەرگە ەشقانداي شەكتەۋ جوق. مەشٸت بولسىن, شٸركەۋ بولسىن, كەز كەلگەن دٸني ورتالىقتارعا بارا الادى", - دەدٸ قوشانوۆ مەجٸلٸس كۋلۋارىندا.
ونىڭ پٸكٸرٸنشە, مەكتەپتٸ دٸني اعىمداردىڭ ورداسىنا اينالدىرماۋ كەرەك.
"ول – بٸلٸم ورداسى, بٸلٸم بەرۋ كەرەك. سوندىقتان بالالاردى, وقىتۋشىلاردى باسقا مەسەلەگە الاڭداتپاۋىمىز كەرەك دەپ ويلايمىن. ونىڭ ٷستٸنە مينيسترلٸك بەكٸتكەن مەكتەپ فورماسىنا قاتىستى ستاندارتتار بار. سول ستاندارتتاردى ۇستانۋىمىز كەرەك", - دەدٸ سپيكەر.
ەسكە سالا كەتەيٸك, بۇعان دەيٸن وقۋ-اعارتۋ مينيسترٸ عاني بەيسەمباەۆ مەكتەپتە حيدجاب كييۋگە رۇقسات بەرۋدٸ تالاپ ەتكەن ازاماتتارعا جاۋاپ بەرگەن بولاتىن.
"2016 جىلى بەكٸتٸلگەن وقۋشىلاردىڭ فورماسى مەن كيٸمٸنە قاتىستى بۇيرىق بار. ول ٶزگەرگەن جوق. سوندىقتان بالالار مەكتەپكە وقۋشى فورماسىمەن كەلۋٸ كەرەك. بۇل بالالاردىڭ بٸردەي بٸلٸم الۋى ٷشٸن جاسالىپ وتىر. سوندىقتان بۇل باعىتتا ٶزگەرٸس جوق, بەرٸ زاڭ اياسىندا", - دەپ مەلٸمدەدٸ بەيسەمباەۆ.
قازاقستان مۇسىلماندارى دٸني باسقارماسى قوعامدا تۋىنداعان مەسەلەگە ٶز مەلٸمدەمەسٸن جارييالادى.
"مٷفتييات شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز ەكەنٸن جوققا شىعارعان ەمەس. سونداي-اق ورامال تاعۋ - ۇلتتىق دەستٷرٸمٸز. مۇنى مۇسىلمان قاۋىمى تەرەڭ تٷسٸنۋٸ تيٸس. الايدا شاريعاتىمىز باليعات جاسىنا تولماعان قىزعا ورامال تاعۋدى مٸندەتتەمەيدٸ. مۇنى دا مۇسىلمان جاماعاتى دۇرىس تٷسٸنۋٸ كەرەك", - دەلٸنگەن حابارلامادا.
قمدب بۇل مەسەلەگە قاتىستى ۋەكٸلەتتٸ مەملەكەتتٸك مەكەمەلەرگە تيٸستٸ ۇسىنىستار بەرگەن.
"مۇسىلمان جاماعاتىنىڭ ٶتٸنٸشٸ ەسكەرٸلٸپ, وڭ شەشٸم قابىلدانادى دەپ ٷمٸتتەنەمٸز", - دەپ تٷيٸندەدٸ مٷفتييات ٶكٸلدەرٸ.
