مەكتەپتەردٸ جاڭعىرتۋ, قايتا قۇرۋ, جٶندەۋ جەنە سالۋ ٷشٸن جەكە مەملەكەتتٸك باعدارلاما قاجەت. بۇل تۋرالى باتىس قازاقستان وبلىسىندا جۇمىس ساپارىمەن جٷرگەن مەجٸلٸس دەپۋتاتى سنەجاننا يماشەۆا مەلٸم ەتتٸ, دەپ حابارلايدى قازاقپارات.
دەپۋتات facebook-تەگٸ ٶزٸنٸڭ پاراقشاسىندا جازعانىنداي, بەيتەرەك اۋدانىنىڭ نوۆەنكيي, دوستىق, ماكاروۆ اۋىلدارىن ارالاعان كەزدە كەلەڭسٸز كٶرٸنٸستٸڭ كۋەسٸ بولعان.
«سارايعا كٶبٸرەك ۇقسايتىن بٸلٸم وردالارىندا بولدىم. جارتىلاي اپاتتى, قيراعان ەسكٸ عيماراتتاردىڭ تٶبەسٸنەن سۋ اققان, قابىرعالارى جارىلعان, بۇرىشتارى كٶگەرگەن, ەدەندەرٸ جالبا-جۇلبا. وسىنداي مەكتەپتەر كٷن سايىن بالالاردى قابىلدايدى. بالالار مۇنداي قاراڭعى جەرگە كٸرگٸسٸ كەلمەيتٸن شىعار, بٸراق بٸلٸم ٷشٸن, امالى جوق, بارادى. بٸر مەكتەپكە مىڭعا جۋىق, ەكٸنشٸسٸنە التى جٷزدەي, ٷشٸنشٸسٸنە ەلۋ وقۋشى كەلٸپ جٷر. «تۇرمىس سانانى بيلەيدٸ» دەپ جاتادى. ەگەر وسى قاعيدانى ۇستانساق, بالالاردىڭ بٸلٸمٸ قيراعان ساراي سەكٸلدٸ تٶمەن بولۋى كەرەك ەدٸ. الايدا سوعان قاراماستان, بۇل مەكتەپتەردە وقۋ وزاتتارى كٶپ, تٷرلٸ وليمپيادا جٷلدەگەرلەرٸ, جوبالار جەڭٸمپازدارى بارشىلىق. مۇعالٸمدەرگە تاعزىم!» دەپ جازدى سنەجاننا يماشەۆا.
ول سونداي-اق قر بٸلٸم جەنە عىلىم مينيسترٸ اسحات ايماعامبەتوۆكە قاراتا: «بٸزگە مەكتەپتەردٸ جاڭعىرتۋ, قايتا قۇرۋ, جٶندەۋ جەنە سالۋ ٷشٸن جەكە مەملەكەتتٸك باعدارلاما قاجەت. مۇنداي مەكتەپتەر ەلٸمٸزدە از ەمەس. تەك ەكٸمدەرگە ٷمٸت ارتۋعا, ولار قاشان قارجى تابادى دەپ كٷتٸپ وتىرۋعا بولمايدى», دەدٸ ول.
